ავსტრიის საგარეო საქმეთა მინისტრმა ბეათე მაინლ-რაიზინგერმა უკრაინაში დაუყოვნებლივი ცეცხლის შეწყვეტისკენ მოუწოდა მოსკოვს მას შემდეგ, რაც რუსეთის საჰაერო დარტყმებმა ტერნოპოლზე 25 ადამიანი იმსხვერპლა.

დიპლომატმა აღნიშნა, რომ რუსეთმა ღამე კვლავ შეუტია უკრაინას, კერძოდ, ქვეყნის დასავლეთით მდებარე საცხოვრებელ უბნებს, ხოლო პოლონეთსა და რუმინეთში საჰაერო განგაში გამოცხადდა.

„ვინც დღისით მშვიდობიანი მოლაპარაკებების სურვილს აცხადებს, ღამით საცხოვრებელი შენობების დაბომბვა არ შეუძლია. პუტინმა საბოლოოდ უნდა შეაჩეროს ეს მკვლელობა. უკრაინაში ცეცხლის შეწყვეტაა საჭირო ახლავე! უკრაინაში ცეცხლის შეწყვეტა დაუყოვნებლივ უნდა გამოცხადდეს!“ - წერს ავსტრიის საგარეო საქმეთა მინისტრი.

Heute Nacht hat Russland erneut die Ukraine angegriffen – auch im Westen des Landes und sogar in Wohngebieten. Dabei wurden mindestens 19 Zivilisten getötet, viele weitere verletzt, darunter auch Kinder. In den EU-Staaten Polen und Rumänien wurde zudem Luftalarm ausgelöst.
Wer am… https://t.co/gJAIDGb5Ac

— Beate Meinl-Reisinger (@BMeinl) November 19, 2025