ამერიკის შეერთებულ შტატებში კონგრესის შუალედური არჩევნებისთვის პირველი საარჩევნო უბნები გაიხსნა. 

პირველი საარჩევნო უბნები ჩრდილო-აღმოსავლეთ ვერმონტის შტატში აღმოსავლეთის დროით 05:00 საათზე გაიხსნა. 

შემდეგ კენჭისყრა დაიწყება კონექტიკუტში, ინდიანაში, კენტუკიში, მენში, ნიუ-ჰემპშირში, ნიუ-ჯერსიში, ნიუ-იორკსა და ვირჯინიაში, სადაც ყველა საარჩევნო უბანი  06:00 საათზე გაიხსნება. 

ბოლო საარჩევნო უბნები აღმოსავლეთის დროით 11:00 საათზე ალასკასა და ვაშინგტონში, ხოლო ჰავაიზე – 12:00 საათზე გაიხსნება. 

პირველი საარჩევნო უბნები აღმოსავლეთის დროით საღამოს 6:00 საათზე დაიხურება და პირველი შედეგებიც, სავარაუდოდ, ამ დროს გამოქვეყნდება.

ამ დროისთვის 57 მილიონზე მეტმა ამერიკელმა უკვე მისცა ხმა ფოსტის საშუალებით. 

ამ არჩევნებში აშშ-ის წარმომადგენელთა პალატის 435 წევრს, სენატის 35 წევრს, ასევე, აშშ-ის 39 გუბერნატორს აირჩევენ. 

აშშ-ს არჩევნებში ერთიანი ცენტრალური სისტემა არ აქვს.

თითოეული შტატი თვითონ წყვეტს კენჭისყრისა და ხმების დათვლის წესებს.