1776623353
უცხოეთი
აშშ-ში ლუიზიანას შტატში სროლის შედეგად 8 ბავშვი დაიღუპა
აშშ-ში, ლუიზიანას შტატის ქალაქ შრივპორტში სროლა იყო, რის შედეგადაც 8 ბავშვი დაიღუპა. ამის შესახებ ინფორმაციას „ბიბისი“ ავრცელებს.
როგორც მედიასაშუალება იტყობინება, დაღუპულია 14 წლამდე ასაკის ბავშვები. დაღუპულებს შორის ყველაზე პატარა 1 წლის არის.
შემთხვევა ადგილობრივი დროით დაახლოებით დილის 05:00 საათზე მოხდა. პოლიციის ცნობით, ერთმა შეიარაღებულმა პირმა ათ ადამიანს ესროლა.
თავდამსხმელი შემთხვევის ადგილიდან გაქცევას ცდილობდა, რა დროსაც სამართალდამცველებმა ის გაანეიტრალეს.
პოლიციის ცნობით, შემთხვევა ოჯახურ კონფლიქტს უკავშირდება.
მიმდინარეობს გამოძიება.
