აშშ-მა უკრაინისთვის სამხედრო დახმარების ახალი პაკეტი გამოაცხადა - რა შედის მასში?
შეერთებულმა შტატებმა უკრაინის სამხედრო დახმარების ახალი პაკეტი გამოაცხადა. შესაბამისი განცხადება აშშ-ის თავდაცვის სამინისტრომ გაავრცელა.
აღნიშნულია, რომ ეს იარაღისა და სამხედრო აღჭურვილობის 70-ე ტრანშია, რომელსაც ჯო ბაიდენის ადმინისტრაცია უკრაინას პენტაგონის მარაგებიდან აწვდის. ამ პაკეტის სავარაუდო ღირებულება 275 მილიონი დოლარია.
კერძოდ, ახალ პაკეტში შედის 👇
✅ საბრძოლო მასალა HIMARS-ისთვის (ჩვეულებრივი, ან ATACMS-ის რაკეტები);
✅ 155 მმ და 105 მმ კალიბრის საარტილერიო საბრძოლო მასალა;
✅ 60 მმ და 81 მმ კალიბრის ნაღმტყორცნები;
✅ უპილოტო საჰაერო სისტემები;
✅ TOW-ის ტანკსაწინააღმდეგო რაკეტები;
✅ Javelin და AT-4 ტანკსაწინააღმდეგო სისტემები;
✅ მცირე იარაღი და საბრძოლო მასალა;
✅ ნგრევის გამომწვევი აღჭურვილობა და საბრძოლო მასალა;
✅ ქიმიური, ბიოლოგიური, რადიოლოგიური, ბირთვული დამცავი მოწყობილობა;
✅ სათადარიგო ნაწილები, დამხმარე აღჭურვილობა, მომსახურება, სწავლება, ტრანსპორტირება.
