აშშ-ისა და ისრაელის თავდაცვის მინისტრებს შორის სატელეფონო საუბარი გაიმართა
აშშ-ის თავდაცვის მინისტრი ლოიდ ოსტინი ისრაელელ კოლეგას ისრაელ კაცს ესაუბრა. მხარეებმა რეგიონული საფრთხეები და ისრაელის მიმდინარე ოპერაციები განიხილეს. ინფორმაციას აშშ-ის თავდაცვის დეპარტამენტი ავრცელებს.
„მდივანმა ოსტინმა ხაზი გაუსვა ლიბანის შეიარაღებული ძალებისა და ლიბანში გაეროს დროებითი ძალების უსაფრთხოების უზრუნველყოფის მნიშვნელობას. მან გაიმეორა აშშ-ის ერთგულება დიპლომატიური რეზოლუციის მიმართ ლიბანში, რომელიც საშუალებას აძლევს ისრაელელ და ლიბანელ სამოქალაქო პირებს, უსაფრთხოდ დაბრუნდნენ თავიანთ სახლებში საზღვრის ორივე მხარეს.
მდივანმა მოუწოდა ისრაელის მთავრობას, გააგრძელოს ნაბიჯების გადადგმა ღაზაში მძიმე ჰუმანიტარული პირობების გასაუმჯობესებლად და ხაზი გაუსვა აშშ-ის ვალდებულებას ყველა მძევლის, მათ შორის აშშ-ის მოქალაქეების გათავისუფლების უზრუნველყოფის შესახებ“, - ნათქვამია აშშ-ის თავდაცვის დეპარტამენტის განცხადებაში.
