1771360269
უცხოეთი
აშშ-ის სამხედროების ცნობით, ნარკოტიკების გადამზიდ სამ გემზე თავდასხმის შედეგად - 11 ადამიანი დაიღუპა
აშშ-ის სამხედრო ძალებმა აღმოსავლეთ წყნარ ოკეანესა და კარიბის ზღვაში ნარკოტიკების გადამზიდ სამ გემზე თავდასხმა განახორციელეს. ინფორმაციას BBC აშშ-ის სამხედრო ძალების განცხადებაზე დაყრდნობით ავრცელებს.
აშშ-ის სამხედრო ძალების ცნობით, თავდასხმის შედეგად 11 ადამიანი დაიღუპა.
„დაზვერვამ დაადასტურა, რომ გემი წყნარ ოკეანეში ნარკოტრეფიკინგის ცნობილი მარშრუტით მოძრაობდა და ნარკოტრეფიკინგის ოპერაციებში იყო ჩართული“, - ნათქვამია აშშ-ის სარდლობის მიერ გავრცელებულ განცხადებაში.
განცხადებაში ნათქვამია, რომ ოპერაციაში მონაწილე არცერთი ამერიკელი სამხედრო არ დაშავებულა.
