აშშ-ის საჰაერო ძალების B-52 Stratofortress-ი კალიფორნიაში, ედვარდსის საჰაერო ძალების ბაზიდან აფრენიდან მალევე ჩამოვარდა, - ამის შესახებ ინფორმაციას ბაზის პრესსამსახური ავრცელებს.

„სამაშველო და საგანგებო ჯგუფები დაუყოვნებლივ გაემართნენ შემთხვევის ადგილზე. ამ დროისთვის არ გავრცელებულა დამატებითი დეტალები ეკიპაჟის წევრების, დაშავებულების ან ავიაკატასტროფის მიზეზის შესახებ“, - წერს ედვარდსის საჰაერო ძალების ბაზა X-ზე გამოქვეყნებულ პოსტში.

ბოლო ცნობებით, ავიაკატასტროფა 15 ივნისს ადგილობრივი დროით დაახლოებით 11:20 საათზე მოხდა.

ავიაბაზამ ოფიციალურად დაადასტურა ფაქტი, თუმცა ეკიპაჟის მდგომარეობაზე, მსხვერპლზე ან ავიაკატასტროფის გამომწვევ მიზეზებზე ინფორმაცია ჯერ არ გაუვრცელებია.

BREAKING: A U.S. Air Force B-52 bomber crashed shortly after takeoff at Edwards Air Force Base, triggering an emergency response.

Emergency crews rushed to the scene as thick black smoke billowed from the wreckage scattered across the desert airfield.

More details, including… pic.twitter.com/JRx3R4ElJW

— Fox News (@FoxNews) June 15, 2026

ცნობისთვის, B-52 ჩვეულებრივ 5-კაციანი ეკიპაჟით დაფრინავს, მაგრამ ჯერჯერობით უცნობია, რამდენი ადამიანი იმყოფებოდა ბორტზე შემთხვევის დროს. ოფიციალური განცხადებები სავარაუდოდ მოგვიანებით გავრცელდება.