აშშ-ის ენერგეტიკის მდივანმა კრის რაიტმა განაცხადა, რომ აშშ-ის საზღვაო ძალებს ამჟამად არ შეუძლიათ კომერციული გემების ესკორტირება ჰორმუზის სრუტეში, თუმცა მან ივარაუდა, რომ ეს შესაძლებლობა შესაძლოა, ამ თვის ბოლოს ამოქმედდეს.

„ეს შედარებით მალე მოხდება, მაგრამ ახლა ვერ მოხდება. ჩვენ უბრალოდ მზად არ ვართ“, - განაცხადა რაიტმა CNBC-სთან ინტერვიუში, როდესაც ჰკითხეს, შეეძლოთ თუ არა აშშ-ის საზღვაო ძალებს ტანკერის ესკორტირება სრუტეში.

ენერგეტიკის მდივანმა განმარტა, რომ ირანში ომის გამო აშშ-ის სამხედრო რესურსები ამჟამად სხვაგან არის კონცენტრირებული.

„ამჟამად ჩვენი ყველა სამხედრო აქტივი მიმართულია ირანის შეტევითი შესაძლებლობებისა და იმ საწარმოო ინდუსტრიის განადგურებაზე, რომელიც მათ შეტევით შესაძლებლობებს ამარაგებს“, - დასძინა მან.

როდესაც რაიტს ჰკითხეს, შეუძლია თუ არა საზღვაო ფლოტს გემების ესკორტირება სრუტეში თვის ბოლოსთვის, მან განაცხადა, რომ ეს სავარაუდოა. „ვფიქრობ, კი. ვფიქრობ, რომ ეს საკმაოდ სავარაუდოა“, - აღნიშნა მან.

რაიტმა აღნიშნა, რომ მზადება უკვე მიმდინარეობს და თქვა: „სწორედ ამაზე მუშაობენ სამხედროები“.