1762430935
უცხოეთი
აშშ ავიადისპეტჩერების სიმწირის გამო ავიარეისებს ამცირებს
აშშ-ის სამოქალაქო ავიაციის ფედერალური სამმართველო, არასაკმარისი პერსონალის გამო, 7 ნოემბრიდან 40 აეროპორტში ავიარეისების 10%-ით შემცირებას აპირებს. ამის შესახებ Deutche Welle იუწყება.
აშშ-ის ტრანსპორტის მინისტრის, შონ დაფის თქმით, საუბარია მსხვილ აეროპორტებზე და ინტენსიურ საჰაერო მიმოსვლაზე. რომელ ავიაკომპანიებსა და რომელ აეროპორტებს შეეხება ეს გადაწყვეტილება, უცნობია. შემცირება შეიძლება ათასობით რეისს შეეხოს.
ამ გადაწყვეტილების ერთ-ერთ მიზეზად ავიადისპეტჩერებისთვის გადახდის დაყოვნება სახელდება, რაც აშშ-ის ადმინისტრაციის მუშაობის დროებითმა შეჩერებამ გამოიწვია. აშშ-ის კონგრესმა სახელმწიფო ბიუჯეტი ვერ დაამტკიცა და ქვეყანაში ე.წ. შათდაუნი მოქმედებს.
შათდაუნი უკვე 36 დღის განმავლობაში მოქმედებს. ეს რეკორდია შეერთებული შტატების ისტორიაში.
