მიმდინარე წლის 10 სექტემბრის ღამეს ათზე მეტმა რუსულმა დრონმა პოლონეთის საჰაერო სივრცე დაარღვია. გავრცელებული ინფორმაციით, მათგან მხოლოდ ოთხი ჩამოაგდეს. პოლონეთის პრემიერ-მინისტრმა დონალდ ტუსკმა სოციალურ ქსელ X-ზე გამოაქვეყნა ვიდეო, რომელზეც რუსული დრონების ნარჩენებია ასახული.

ტუსკმა ხაზგასმით აღნიშნა, რომ ყველა რუსულ დრონს, რომელიც პოლონეთის საჰაერო სივრცეს დაარღვევს, ჩამოაგდებენ.

„რასაც ჩემს უკან ხედავთ, ეს არის რუსული დრონების ნარჩენები, რომლებიც 9-10 სექტემბრის იმ დაუვიწყარ ღამეს პოლონეთის მიწაზე ჩამოვარდა. ასე დაასრულებს მტრის ყველა დრონი, ყველა რუსული დრონი, რომელიც პოლონეთის მიწაზე გაფრინდება“, - განაცხადა მან.

პოლონეთის პრემიერ-მინისტრის თქმით, ქვეყანა მილიარდობით ზლოტის ინვესტირებას ახდენს თანამედროვე პოლონურ არმიაში, რათა „დაიცვას პოლონეთის ცა და პოლონეთის მიწა ასეთი ობიექტებისგან“.

Każdy wrogi dron skończy tak samo. pic.twitter.com/f3fOsnWx6u

— Donald Tusk (@donaldtusk) November 3, 2025