ანდრეი ერმაკი: შეერთებულმა შტატებმა უკვე გააცნობიერა, რომ რუსეთი მშვიდობისკენ არ ისწრაფვის
უკრაინის პრეზიდენტის ოფისის ხელმძღვანელის, ანდრეი ერმაკის განცხადებით, აშშ-მა უკვე გააცნობიერა, რომ რუსეთი მშვიდობისკენ არ ისწრაფვის.
ერმაკის თქმით, უკრაინამ უკვე აჩვენა თავისი სწრაფვა ცეცხლის სრული შეწყვეტისკენ, მაგრამ რუსეთი ამ სურვილს არ იზიარებს და ეს ამერიკელებმა დაინახეს.
„ჯიდასა და ერ-რიადში გამართული შეხვედრების მთავარი შედეგი არის ის, რომ ამერიკულ მხარეს არ აქვს არანაირი კითხვები უკრაინის მიმართ. უკრაინა აჩვენებს თავისი პოზიციის აბსოლუტურ გამჭვირვალობას, აბსოლუტურ ადეკვატურობას. ჩვენ მიგვაჩნია, რომ დღეს ცეცხლის სრული შეწყვეტა არის ნამდვილად ის, რისკენაც ჩვენ ვისწრაფვით, ეს ლოგიკური და სწორი,“ - აცხადებს ანდრეი ერმაკი.
ინფორმაციისთვის, 4 აპრილის საღამოს რუსულმა ძალებმა უკრაინის ქალაქ კრივოი-როგზე ბალისტიკური რაკეტით იერიში მიიტანეს, რის შედეგადაც დაიღუპა 14 ადამიანი, მათ შორის არიან ბავშვები. დაშავდა 50-ზე ადამიანი.
