ამერიკელების 50%-ზე მეტი მიიჩნევს, რომ ტრამპის პოლიტიკა აშშ-ის ეკონომიკას აზიანებს - მედია
ამერიკელების 50%-ზე მეტი მიიჩნევს, რომ ამჟამინდელი ადმინისტრაციის პოლიტიკა რეალურად ზიანს აყენებს ქვეყნის ეკონომიკას. კიდევ უფრო მეტ ადამიანს აქვს ნეგატიური შეხედულება შეერთებული შტატების ეკონომიკურ მდგომარეობაზე. ეს Fox News-ის მიერ ჩატარებული გამოკითხვის შედეგებია.
გამოკითხული ამერიკელების 56% მიიჩნევს, რომ ტრამპის ადმინისტრაციის პოლიტიკა ქვეყნის ეკონომიკას ზიანს აყენებს, ხოლო მხოლოდ 28% მიიჩნევს, რომ მათი გავლენა დადებითია.
გამოკითხული მოქალაქეების 60% უარყოფითად აფასებს საკუთარ ფინანსურ მდგომარეობას. შეშფოთებას იწვევს საკვების, საწვავის, ჯანდაცვის, კომუნალური გადასახადებისა და ქირის ფასების ზრდა.
საწვავის ფასების მატებას დიდ პრობლემად მიიჩნევს 60%, რაც თითქმის ორჯერ მეტია 2025 წლის სექტემბრის მაჩვენებელთან შედარებით.
მარტის ბოლოს ჩატარებულმა გამოკითხვამ აჩვენა, რომ ამერიკელების ორი მესამედი ირანის წინააღმდეგ ომის რაც შეიძლება სწრაფად დასრულების მომხრეა.
