„ახალი დახმარება აშშ-დან“ - Politico წერს, თუ რას მიიღებს უკრაინა
აშშ-ის პრეზიდენტის ჯო ბაიდენის ადმინისტრაცია უკრაინისთვის სამხედრო დახმარების პაკეტის გასაგზავნად ემზადება. მასში შედის საარტილერიო, საზენიტო თავდაცვის სისტემები და ჯავშანტექნიკა, - ამის შესახებ Politico ამერიკელ ოფიციალურ პირებზე დაყრდნობით წერს.
როგორც მედია წერს, პენტაგონს სურს დახმარება დაუყოვნებლივ გაიგზავნოს მას შემდეგ, რაც პრეზიდენტი ხელს მოაწერს კანონპროექტს. სენატს შეუძლია მისი მიღება უკვე ამ სამშაბათს.
მედიის ცნობით, ახალ პაკეტს შეუძლია გადააჭარბოს ბოლო ამერიკულ დახმარებას 300 მილიონი დოლარის ოდენობით, რომელიც უკრაინამ ადრე მიიღო. სხვადასხვა წყაროს მიხედვით, მასში იქნება ჯავშანტექნიკა, ბრედლის საბრძოლო მანქანები და M113 ჯავშანტრანსპორტიორები, ასევე რაკეტები.
„ადმინისტრაცია ამზადებს დიდ პაკეტს ბრძოლის ველზე უკრაინის საჭიროებების დასაკმაყოფილებლად“, - განაცხადა ერთ-ერთმა ოფიციალურმა პირმა.
