1743572749
უცხოეთი
50-მა ამერიკელმა სენატორმა წარადგინა კანონპროექტი, რომელიც რუსეთის წინააღმდეგ ახალი სანქციების დაწესებას ითვალისწინებს
50-მა ამერიკელმა სენატორმა კანონპროექტი წარადგინა, რომელიც რუსეთისთვის ახალი სანქციების დაწესებას ითვალისწინებს. ამის შესახებ „დემოკრატი“ სენატორის, რიჩარდ ბლუმენტალის ვებგვერდზე გავრცელებულ განცხადებაშია აღნიშნული.
50 ამერიკელი სენატორის მიერ შემოღებული სანქციები ამოქმედდება იმ შემთხვევაში, თუ სამშვიდობო მოლაპარაკებები ჩაიშლება ან შეთანხმება მიღწეული იქნება, მაგრამ მას რუსეთი დაარღვევს.
„კანონმდებლობა ასევე აწესებს 500 პროცენტიან ტარიფს იმ ქვეყნებიდან იმპორტირებულ საქონელზე, რომლებიც ყიდულობენ რუსულ ნავთობს, გაზს, ურანს და სხვა პროდუქტებს“, - აღნიშნულია ინფორმაციაში.
„რესპუბლიკელი“ სენატორი, ლინდსი გრეჰემი და „დემოკრატი“ სენატორი, რიჩარდ ბლუმენტალი ირწმუნებიან, რომ ახალ სანქციებს კონგრესის ორივე პალატა დაუჭერს მხარს.
