1758567915
უცხოეთი
23 სექტემბერს ტრამპი ზელენსკის შეხვდება
23 სექტემბერს აშშ-ის პრეზიდენტი დონალდ ტრამპი უკრაინის პრეზიდენტს ვოლოდიმირ ზელენსკის ნიუ-იორკში შეხვდება. ამის შესახებ თეთრი სახლის პრესმდივანმა ქეროლაინ ლევიტმა ბრიფინგზე განაცხადა.
ლევიტის თქმით, აშშ-ის პრეზიდენტი ნიუ-იორკში გაეროს გენერალური ასამბლეის 80-ე სესიას დაესწრება, სადაც 23 სექტემბერს, მნიშვნელოვანი სიტყვით გამოვა.
„პრეზიდენტი ასევე გამართავს ორმხრივ შეხვედრებს გაეროს გენერალურ მდივანთან და უკრაინის, არგენტინისა და ევროკავშირის ლიდერებთან“, - დასძინა ლევიტმა.
უკრაინული მედიის ინფორმაციით, ნიუ-იორკში ვოლოდიმირ ზელენსკი გაეროს გენერალური ასამბლეის მე-80 სესიას დაესწრება.
