უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინელებს სამართლიანი მშვიდობა სურთ. მიუხედავად იმისა, რომ უკრაინის მოქალაქეების 87% მშვიდობას უჭერს მხარს, ამავდროულად, 85% არ უჭერს მხარს დონბასიდან თავდაცვის ძალების გაყვანას. აღნიშნულის შესახებ სახელმწიფოს მეთაურმა ეს Fox News-თან ინტერვიუში განაცხადა.

ზელენსკიმ დაადასტურა, რომ უკრაინელებს მშვიდობა სურთ. ამავდროულად, უკრაინის პრეზიდენტმა ყურადღება გაამახვილა აშშ-ის პრეზიდენტ დონალდ ტრამპის სიტყვებზე და მოიყვანა საზოგადოებრივი აზრის გამოკითხვები, რომელთა მიხედვითაც უკრაინელების 85% ან შესაძლოა 87% მშვიდობა სურს.

„დიახ, ეს ჩვენი ცხოვრებაა. 87% მხარს უჭერს მშვიდობას, მაგრამ ამავდროულად, 85% ეწინააღმდეგება აღმოსავლეთიდან, დონბასიდან გასვლას. ეს ნიშნავს, რომ ყველას სურს მშვიდობა, მაგრამ სამართლიანი მშვიდობა“, - ხაზგასმით აღნიშნა ზელენსკიმ.

სახელმწიფოს მეთაური აცხადებს, რომ ტერიტორიების საკითხი რთულია.

„ყველა მხარემ უნდა გაიგოს, რომ ყველაზე ცუდი გზა დონბასიდან გასვლაა. უკრაინისთვის დიდი რისკები იქნება, რაც უკრაინელებისთვის მიუღებელია“, - განაცხადა ზელენსკიმ.

მან დასძინა, რომ დონბასთან დაკავშირებით შესაძლო რეფერენდუმის შედეგები დადებითი არ იქნება.