1761771512
კონფლიქტები
ვოლოდიმირ ზელენსკი: კუპიანსკში ვითარება ისევ რთულია
კუპიანსკში სიტუაცია კვლავ რთული რჩება, თუმცა უკრაინის თავდაცვის ძალების კონტროლი იზრდება და ისინი აგრძელებენ პოზიციების დაცვას, - ამის შესახებ უკრაინის პრეზიდენტმა ვოლოდიმირ ზელენსკიმ საღამოს ვიდეომიმართვაში განაცხადა.
„დღეს ჩვენ დეტალურად ვისაუბრეთ მთავარსარდალთან და გენერალური შტაბის უფროსთან ფრონტზე არსებულ ვითარებაზე - ყველა მიმართულებით. პოკროვსკის მიმართულება ამჟამად ყველაზე რთულია. იქ, ისევე როგორც წინა კვირებში, საომარი მოქმედებების ინტენსივობა ყველაზე დიდია, რუსების ძლიერი კონცენტრაციაა. ოკუპანტები ყველა მეთოდით ცდილობენ ფეხის მოკიდებას“, - აღნიშნა მან.
მისი თქმით, კუპიანსკში ვითარება კვლავ რთული რჩება.
„ჩვენ ვაგრძელებთ ჩვენი პოზიციების დაცვას. მადლობას ვუხდი ჩვენს თითოეულ დანაყოფს მათი გამძლეობისთვის“, - აღნიშნა პრეზიდენტმა.
