რუსეთ-უკრაინის ომი გრძელდება და ოკუპანტები არ წყვეტენ მცდელობებს უკრაინის თავდაცვის ხაზი გაარღვიონ ხარკოვის მიმართულებით, - ამის შესახებ „ხარკოვის“ ოპერატიულ-ტაქტიკური ჯგუფის საკომუნიკაციო დეპარტამენტის წარმომადგენელმა ვიტალი სარანცევმა განაცხადა.

„რუსული საოკუპაციო ძალები აგრძელებენ შეტევას ვოლჩანსკის და ლიპეცკის მიმართულებებში, ისინი ბოლო 24 საათის განმავლობაში ცდილობენ გაარღვიონ თავდაცვა, ამ დღის დასაწყისიდან მოყოლებული 15 სამხედრო შეტაკება მოხდა. მოწინააღმდეგე, ასევე, აგრძელებს დაბომბვას, ახორციელებს ავიადარტყმებს“, - აღნიშნა სარანცევმა.

მან, ასევე, დასძინა, რომ რუსი ოკუპანტები ამ მიმართულებით არ იშურებენ პერსონალს, რის გამოც მათ მუდმივად მაღალი დანაკარგები აქვთ.

„ბოლო 24 საათის განმავლობაში დამპყრობლის დანაკარგებმა შეადგინა 160-ზე მეტი ადამიანი, ამ დღეების დასაწყისიდან მოწინააღმდეგეები ყოველდღიურად კარგავენ 100-120 ადამიანს, აგრესორი იძულებულია შემოიყვანოს რეზერვები და ჯარები სხვა მიმართულებიდან გადაიყვანოს“, - დასძინა სარანცევმა.

მისი თქმით, ხარკოვის რეგიონში რუსი ოკუპანტების ერთ-ერთ მთავარ მიმართულებად რჩება ვოლჩანსკი, სადაც მძიმე ბრძოლები გრძელდება.

„რუსები მთელი საათის განმავლობაში ცდილობენ უკრაინის პოზიციებზე შტურმს“, - განაცხადა სარანცევმა.