უკრაინის შეიარაღებულმა ძალებმა ახალი ბრიგადების ფორმირება შეწყვიტეს
უკრაინაში ახალი ბრიგადის ფორმირება შეჩერებულია და ძირითადი ძალისხმევა ახლა მიმართულია არსებული დანაყოფების შევსებაზე, - ამის შესახებ პოლკოვნიკმა, უკრაინის პრეზიდენტის აპარატის უფროსის მოადგილემ პაველ პალისამ გამოცემა My-Ukraine-თან ინტერვიუში განაცხადა.
„გარდა ამისა, ის ბრიგადები, რომლებიც ამჟამად უკვე ჩამოყალიბებულია ან ფინალურ ეტაპებზეა, კვლავ გააგრძელებენ წვრთნას“, - განაცხადა პალისამ.
რაც შეეხება შეიარაღების შეფერხებებს, მისი აზრით, აქ პრობლემა პირველ რიგში „პოლიტიკური ნება და ლოგისტიკაა“.
„უკრაინა ახლაც განიცდის გარკვეული შეიარაღების მიწოდების შეფერხებას. დიდი გუნდი მუშაობს, რათა დააჩქაროს იარაღის, საბრძოლო მასალის და სხვა მატერიალური რესურსების მიწოდება, რაც უკრაინას სჭირდება, რაც ასე აუცილებელია შეიარაღებული ძალებისთვის“, - დასძინა პრეზიდენტის აპარატის უფროსის მოადგილემ.
