1728070710
კონფლიქტები
უკრაინელებმა დონბასში ჩრდილოეთ კორეის არმიის 6 ოფიცერი გაანადგურეს - Kyiv Post
უკრაინის შეიარაღებულმა ძალებმა 3 ოქტომბერს დონეცკის ოლქის ოკუპირებულ ტერიტორიაზე თავდასხმის დროს ჩრდილოეთ კორეის არმიის 6 ოფიცერი გაანადგურეს, - ამის შესახებ Kyiv Post თავის სადაზვერვო წყაროებზე დაყრდნობით წერს.
„3 ოქტომბერს დონეცკის მახლობლად რუსეთის მიერ ოკუპირებულ ტერიტორიაზე განხორციელებული სარაკეტო თავდასხმის შედეგად დაიღუპა 20-ზე მეტი სამხედრო მოსამსახურე, მათ შორის ექვსი ოფიცერი ჩრდილოეთ კორეიდან, რომლებიც ჩავიდნენ რუს კოლეგებთან მოლაპარაკებისთვის“, - ნათქვამია მოხსენებაში.
ინფორმაციაში აღნიშნულია, რომ დაიჭრა კიდევ სამი ჩრდილოეთ კორეელი სამხედრო.