1783770912
კონფლიქტები
უკრაინაში კიდევ ერთი ოსი სამხედრო დაიღუპა
ცხინვალში ბარსაგ კოჩიევი დაკრძალეს, რომელიც უკრაინაში დაიღუპა. ამის შესახებ სააგენტო „რესი“ იუწყება.
კოჩიევთან გამოსამშვიდობებლად ცხინვალის დე ფაქტო მთავრობის წარმომადგენლები მივიდნენ. ასევე დაკრძალვას რუსეთის ე.წ. ელჩი ცხინვალში მარატ კულახმეტოვი დაესწრო.
უკრაინაში წასვლამდე ის ე.წ. სამხრეთ ოსეთის განსაკუთრებულ დავალებათა მილიციის რაზმში მსახურობდა. მიღებული აქვს ორდენი მამაცობისთვის.
ბარსაგ კოჩიევი 26 წლის იყო. ის გარდაცვალების შემდეგ „სამშობლოს დამცველის“ მედლით დააჯილდოვეს.
