1719996446
კონფლიქტები
შეტევა დნეპროპეტროვსკის ოლქზე - არიან დაღუპულები
3 ივლისს, დილის საათებში რუსმა ოკუპანტებმა დნეპროპეტროვსკის ოლქს შეუტიეს. უკრაინული მედიის ცნობით, ქალაქ დნეპრში ათამდე აფეთქების ხმა გაისმა.
მოგვიანებით, ქალაქის მერმა ბორის ფილატოვმა ინფორმაცია გაავრცელა მსხვერპლის შესახებ.
„სამწუხაროდ, სამოქალაქო პირებში არიან დაღუპულები“, - დაწერა მან.
არსებული ცნობით, შეტევა განხორციელდა სავაჭრო ცენტრზე. აგრეთვე, ხანძარი გაჩნდა ახლომდებარე სამედიცინო დაწესებულებაში.
ამ ეტაპზე არსებული ცნობით, დაშავებულია 18 ადამიანი, მათ შორის, 14 წლის გოგონა.
