უკრაინელი სამხედროები, რომლებიც თავს ესხმიან ოკუპანტს დონეცკის ოლქში, აკვირდებიან, როგორ მიიწევს რუსული არმია ნელა წინ. შეიარაღებულ ძალებს სურთ მეტი გააკეთონ დამპყრობლების შესაჩერებლად, მაგრამ მათ არ აქვთ რუსული თავდასხმების მოსაგერიებლად საჭირო ჭურვები, - ამის შესახებ Reuters წერს.

„თუ ამას შევადარებთ დასაწყისს (სრულმასშტაბიანი შეჭრის), როცა დღეში 100-მდე ჭურვი გავუშვით, ახლა, როცა 30 ჭურვს ვუშვებთ, ეს ფუფუნებაა“, - განაცხადა 148-ე ცალკეული საარტილერიო ბრიგადის მეთაურმა ალექსანდრე კოზაჩენკო გამოცემასთან ინტერვიუში.

ჟურნალისტები ხაზს უსვამენ, რომ რუსეთის ფედერაციას ახლა გაცილებით მეტი საცეცხლე ძალა აქვს და თებერვლიდან თანდათან მიიწევს ავდეევკას მიმართულებით. რუსი დამპყრობლები ასევე მიიწევენ ბახმუტის დასავლეთით, რომელიც 2023 წელს დაიპყრეს.

ამავდროულად, უკრაინელი ჯარისკაცები, რომლებიც ფრონტიდან დაახლოებით 8 კმ-ში მდებარე პოზიციებზე არიან, ამბობენ, რომ არ იციან, როდის უნდა ელოდონ ახალ დაბომბვას. 

ერთ-ერთ პოზიციაზე მყოფი მებრძოლები ამბობენ, რომ რუსეთი მათ გამუდმებით ესვრის და თვით თავდასხმები მოულოდნელია.

ჯარისკაცების თქმით, რუსული უპილოტო საფრენი აპარატები მუდმივ საფრთხეს წარმოადგენენ.

„მინდა ერთი კვირით მაინც წავიდე და დავისვენო, მაგრამ ჩვენ ვაგრძელებთ მუშაობას ვიდრე, საჭიროა“, - ხაზგასმით აღნიშნა უკრაინელმა მებრძოლმა.

თავის მხრივ, ამავე ბრიგადის ბატალიონის მეთაურმა ანონიმურობის პირობით განაცხადა, რომ რუსეთის ფედერაციის მცირე ტაქტიკური წარმატებები ჯერ კიდევ არ ნიშნავს მნიშვნელოვან სტრატეგიულ უპირატესობას.

„მთელი ასეულის დაკარგვა ერთ დღეში მათთვის არაფერია“, - აცხადებს მეთაური.