სამწუხაროდ, მხოლოდ სოლიდარობის სიტყვები ვერ ანადგურებს რუსულ რაკეტებს, - ამის შესახებ უკრაინის საგარეო საქმეთა მინისტრმა დმიტრო კულებამ ხარკოვსა და ლიუბოტინზე რუსეთის თავდასხმების შემდეგ განაცხადა.

მინისტრმა აღნიშნა, რომ რუსეთის შემზარავმა თავდასხმამ ყველას უნდა შეახსენოს მსოფლიოში, რომ უკრაინას ჯერ კიდევ სასწრაფოდ სჭირდება შვიდი „პეტრიოტის“ სისტემა.

„მაგრამ კიდევ ექვსი სისტემის რაც შეიძლება სწრაფად მიღება კრიტიკულად მნიშვნელოვანია არა მხოლოდ უკრაინის გადარჩენისთვის, არამედ ევროპაში მშვიდობისთვისაც.

არავის დასახელების ან შერცხვენის გარეშე, კიდევ ერთხელ მოვუწოდებ ქვეყნებს, რომლებსაც აქვთ „პეტრიოტის“ სისტემები, დააჩქარონ გადაწყვეტილება და მიაწოდონ ეს კომპლექსები უკრაინას.

მიმაჩნია, რომ შვიდი „პეტრიოტის“ კომპლექსი არ არის ისეთი დიდი ფასი, რომელიც გადაიხდის ევროპაში გრძელვადიან მშვიდობას, მაგრამ ისინი ახლა არის საჭირო და არა ხვალ. სამწუხაროდ, მხოლოდ სოლიდარობის სიტყვები ვერ ანადგურებს რუსულ რაკეტებს“, - აღნიშნა უკრაინის საგარეო საქმეთა მინისტრმა.

მისი თქმით, ამჟამად, ნატოს ქვეყნებიდან მხოლოდ გერმანიამ უპასუხა უკრაინის თხოვნას „პეტრიოტის“ ბატარეის მიწოდების შესახებ.