1728890233
კონფლიქტები
რუსეთში ორენბურგის აეროდრომზე თვითმფრინავი „ტუ-134“ დაიწვა - უკრაინის დაზვერვა
რუსეთის ფედერაციაში, სამხედრო აეროდრომ „ორენბურგ-2“-ზე სამხედრო სატრანსპორტო თვითმფრინავი Tu-134 განადგურდა, - ამის შესახებ უკრაინის თავდაცვის სამინისტროს სადაზვერვო მთავარი სამმართველო იტყობინება.
„„2024 წლის 12-13 ოქტომბრის ღამეს რუსეთში დაიწვა აგრესორი სახელმწიფოს შეიარაღებული ძალების 117-ე სამხედრო სატრანსპორტო საავიაციო პოლკის „ტუ-134“ ტიპის თვითმფრინავი. გამანადგურებელი ხანძარი გაჩნდა რუსეთის სამხედრო აეროდრომ „ორენბურგ-2“-ზე, სადაც ტუ-134 იყო განთავსებული“, - ნათქვამია დაზვერვის სამმართველოს გავრცელებულ ინფორმაციაში.
დაზვერვის წყაროები აღნიშნავენ, რომ ასეთი საბჭოთა თვითმფრინავები რუსეთის თავდაცვის სამინისტროს ხელმძღვანელი პირების გადასაყვანად გამოიყენება.
