„ისინი, ტრადიციულად, იტყუებიან“ - უკრაინის შეიარაღებულმა ძალებმა პარასკოვიივკას დაკავების შესახებ რუსეთის განცხადება უარყვეს
რუსები შეტევის აგრძელებენ, მაგრამ რუსეთის თავდაცვის სამინისტროს განცხადება დონეცკის ოლქის სოფელ პარასკოვიივკას აღების შესახებ აბსოლუტურად არ შეესაბამება სინამდვილეს. ამის შესახებ 79-ე ცალკეული სადესანტო-შტურმული ბრიგადის პრესსამსახურის წარმომადგენელმა ორესტ დრიმალოვსკიმ განაცხადა, წერს უკრაინული მედია.
აგრესორმა ამ სოფლის აღების შესახებ, რომელიც უგლედარსა და მარინკას ნანგრევებს შორის მდებარეობს, 7 ივნისს განაცხადა.
„რუსეთის მკვლელობის სამინისტრო [რუსეთის ფედერაციის თავდაცვის სამინისტრო - UNIAN] ტრადიციულად იტყუება”, - ხაზგასმით აღნიშნა მან.
დრიმალოვსკიმ თქვა, რომ უკრაინული ქვედანაყოფები სოფელ პარასკოვიივკაში იმყოფებიან და „ჯერ კიდევ ძალიან მტკიცედ იკავებენ ამ პოზიციებს“.
„ფაქტობრივად, სოფელი დანგრეულია, იქ არცერთი შენობა აღარ დარჩა. რუსები ძალიან ინტენსიურად ბომბავენ ამ სოფელს ჭურვებით, ნაღმებით, საჰაერო ბომბებით, მაგრამ 79-ე მედესანტეები ისევ პარასკოვიივკაში არიან“, - განაცხადა მან.
