ევროპის რიგი ქვეყნების მცხოვრებლებს შორის გაბატონებულია მოსაზრება, რომ რუსეთი შეძლებს უკრაინის წინააღმდეგ ომის მოგებას. ამას მოწმობს 13 ევროპულ ქვეყანაში ჩატარებული მასშტაბური კვლევის მონაცემები.

კვლევამ აჩვენა, რომ 12 ქვეყნიდან 7-ში, სადაც გამოკითხვა ჩატარდა (გერმანია, შვეიცარია, საფრანგეთი, იტალია, ესპანეთი, უნგრეთი, ბულგარეთი), გამოკითხულთა უმეტესობას რუსეთის გამარჯვების სჯერა.

უკრაინაში გამოკითხულთა 21% სჯერა, რომ უკრაინა გაიმარჯვებს, არცერთ სხვა ევროპულ ქვეყანას არ აქვს მსგავსი მაჩვენებელი.

სტატიაში, ასევე, მოყვანილია პორტუგალიიდან მიღებული მონაცემები, რომლებიც უკრაინის მიმართ ნდობის მაღალ დონეს აჩვენებს. აქ გამოკითხულთა 30% მიიჩნევს, რომ ომი ერთი წელი გაგრძელდება, ხოლო 51% მიიჩნევს, რომ სამშვიდობო შეთანხმებას ხელი მოეწერება.

უკრაინასთან დაკავშირებით ყველაზე პესიმისტური მაჩვენებლები ბულგარელებს აქვთ - გამოკითხულთა 30% მიიჩნევს, რომ რუსეთი სამხედრო გამარჯვებას მიაღწევს.

„უნგრეთშიც კი, სადაც ქვეყნის ხელმძღვანელობა ღიად ანტიუკრაინულია, ეს ასე არ არის, მხოლოდ 14% ელის კრემლის გამარჯვებას“, - ნათქვამია სტატიაში.

ECFR-მა კვლევა 2025 წლის ნოემბერში ჩაატარა ნატოს 11 ევროპულ წევრ სახელმწიფოში - გაერთიანებულ სამეფოში, გერმანიაში, საფრანგეთში, იტალიაში, ესპანეთში, პოლონეთში, დანიაში, ესტონეთში, პორტუგალიაში, უნგრეთში, ბულგარეთში - ასევე ორ არაწევრ სახელმწიფოში - უკრაინასა და შვეიცარიაში.