ჩასივ-იარზე მოწინააღმდეგის თავდასხმების რაოდენობა შემცირდა - ნაზარ ვოლოშინი
![](https://newshub.ge/uploads/files/2024/06/16/105476/tavdaskhma_w_h.jpeg)
რუსმა ოკუპანტებმა წინა დღეებთან შედარებით შეამცირეს ჩასივ-იარზე თავდასხმების რაოდენობა, - ამის შესახებ ოპერატიულ-სტრატეგიული დაჯგუფება „ხორტიცას“ სპიკერმა ნაზარ ვოლოშინმა განაცხადა.
„ჩასივ-იარში ბრძოლები გრძელდება, მაგრამ თავდასხმები ნაკლებია, ეს იმის გამო ხდება, რომ რუსული ჯარები ან „იშუშებენ ჭრილობებს“, ან ემზადებიან მომავალი მოქმედებებისთვის“, - აღნიშნა მან.
ვოლოშინმა განაცხადა, რომ უკრაინის შეიარაღებულმა ძალებმა შეაჩერეს ოკუპანტების შვიდი მცდელობა გაერღვიათ უკრაინის თავდაცვა.
„ჩასივ-იარის რაიონში 292 აფეთქება მოხდა, უფრო მეტად დაიბომბა სამხრეთ ნაწილი“, - განაცხადა ვოლოშინმა.
მისი თქმით, ოკუპანტებმა ერთხელ ივანოვოს რაიონზე საჰაერო იერიში მიიტანეს.
„საჰაერო ძალებმა განახორციელეს ხუთი ავიაიერიში, ჩამოაგდეს ოთხი საჰაერო ბომბი“, - დასძინა შეიარაღებული ძალების სპიკერმა.
ვოლოშინმა დააზუსტა, რომ დღის განმავლობაში ამ მიმართულებით შეიარაღებულმა ძალებმა გაანადგურეს 38 ოკუპანტი და დაჭრეს კიდევ 93.