21 დეკემბერს,  დღის დასაწყისიდან ფრონტზე 110 საბრძოლო შეტაკება მოხდა. მხოლოდ კურსკის რაიონში მოწინააღმდეგემ 32 თავდასხმის მცდელობა განახორციელა და ბრძოლები გრძელდება. იუწყება უკრაინის შეიარაღებული ძალების გენერალური შტაბი.

გენერალურმა შტაბმა აღნიშნა, რომ რუსები აგრძელებენ უკრაინის ქალაქებისა და სოფლების განადგურებას სარაკეტო, საჰაერო და საარტილერიო დარტყმებით. 

„ხარკოვის მიმართულებით მოწინააღმდეგე ერთხელ შეიჭრა უკრაინული ქვედანაყოფების პოზიციებზე, ბრძოლა მიმდინარეობს.

კუპიანსკის მიმართულებით რუსმა ოკუპანტებმა ერთხელ შეუტიეს თავდაცვის ძალებს და უკრაინელებმა შეტევა მოიგერიეს.

ლიმანის მიმართულებით დამპყრობლის არმიამ დღის განმავლობაში 12 შეტევა განახორციელა უკრაინულ პოზიციებზე. ბრძოლა ჯერ კიდევ გრძელდება. უკრაინელი ჯარისკაცები მტკიცედ იცავენ თავდაცვას და დანაკარგს აყენებენ დამპყრობელს. 

საოკუპაციო ძალები აგრძელებენ უკრაინის თავდაცვაში სუსტი წერტილების ძებნას ბილოგორივკას სიახლოვეს სივერსკის მიმართულებით. დღის დასაწყისიდან აქ ოკუპანტის ორი უშედეგო თავდასხმა მოხდა. 

კრამატორსკს ოკუპანტთა საზენიტო რაკეტებით დაარტყა. უკრაინელმა დამცველებმა მოიგერიეს ორი შეტევა.

ტორეცკის მიმართულებით აგრესორმა ოთხჯერ სცადა უკრაინის თავდაცვაში გარღვევა ტორეცკისა და დრუჟბას დასახლებების რაიონებში. აქტიურად იყენებს ავიაციას.

პოკროვსკის მიმართულებით რუსმა დამპყრობლებმა 15-ჯერ სცადეს უკრაინელი დამცველების განდევნა  პოზიციებიდან. თავდაცვის ძალებმა შეაჩერეს შეტევა. შეტაკება ამ დრომდე გრძელდება. 

კურახოვოს მიმართულებით აგრესორის არმიამ ცხრაჯერ შეუტია.

დამპყრობლის 26 შეტევა განხორციელდა ვრემივსკის მიმართულებით. აგრესორი ყველაზე აქტიურია კოსტიანტინოპოლის რაიონში, სადაც 14 შეტაკება მოხდა. ბრძოლა ჯერ კიდევ გრძელდება. 

ორეხოვოს მიმართულებით საოკუპაციო ძალები ექვსჯერ შეიჭრნენ თავდაცვის ძალების პოზიციებზე. ბრძოლა მიმდინარეობს.

კურსკის რაიონში უკრაინელმა დამცველებმა მოიგერიეს 19 შეტევა, ჯამში დღეს დამპყრობელმა 32 თავდასხმა განახორციელა უკრაინული ჯარების პოზიციებზე.

დანარჩენ მიმართულებებში მნიშვნელოვანი ცვლილებები არ არის“, - აცხადებენ გენშტაბში.