1729505293
კონფლიქტები
აშშ-ში ვერტმფრენი ანძას დაეჯახა - დაღუპულებს შორის ბავშვია
აშშ-ში, ტეხასის შტატის ქალაქ ჰიუსტონში ვერტმფრენი ანძას დაეჯახა. მომხდარის შედეგად, ჩამოიშალა კონსტრუქცია, ვერტმფრენი კი აფეთქდა. როგორც CNN წერს, შედეგად დაიღუპა რამდენიმე ადამიანი, მათ შორის - ბავშვი.
არსებული ცნობით, შეჯახება საღამოს საათებში, დასახლებულ ტერიტორიაზე მოხდა.
„ძლიერი აფეთქების ხმამ სახანძრო სადგურამდე მიაღწია, რომელიც შემთხვევის ადგილიდან ნახევარ მილზე მეტის დაშორებით მდებარეობს“, - განაცხადა ქალაქის მერმა ჯონ ვაიტმაირმა.
ჰიუსტონის პოლიციის უფროსის ნოე დიასის თქმით, ოფიციალურ პირებს დაღუპულთა რაოდენობა არ დაუზუსტებიათ, თუმცა ცნობილია, რომ ტრაგედიის დროს, კერძო საკუთრებაში არსებული Robinson R44-ის ტიპის ვერტმფრენის ბორტზე 4 ადამიანი იმყოფებოდა.