194 საბრძოლო შეტაკება და ნახევარზე მეტი პოკროვსკის და კურახოვოს მიმართულებით - უკრაინის გენშტაბი
დღის განმავლობაში ფრონტზე 194 საბრძოლო შეტაკება მოხდა. საბრძოლო შეტაკებების ნახევარი დაფიქსირდა პოკროვსკის და კურახოვოს მიმართულებით, - ამის შესახებ უკრაინის შეიარაღებული ძალების გენერალური შტაბი იუწყება.
„გუშინ თავდაცვის ძალების საავიაციო და სარაკეტო ძალებმა და არტილერიამ 5-ჯერ დაარტყა მოწინააღმდეგის პერსონალის და ტანკსაწინააღმდეგო იარაღის კონცენტრაციის უბნებს, სამ საკონტროლო პუნქტს და ოკუპანტის საველე საბრძოლო მასალის საცავს.
პოკროვსკის მიმართულებით აგრესორის 51 თავდასხმა მოიგერიეს. მოწინააღმდეგის თავდასხმების ყველაზე დიდი კონცენტრაცია იყო გროდივკას მახლობლად. კურახოვოს მიმართულებით ოკუპანტის 49 შეტევა მოიგერიეს კოსტიანტინივკას მიმართულებით“ - აღნიშნავს გენერალური შტაბი.
გასული დღის განმავლობაში თავდაცვის ძალებმა გაანადგურეს 1 100-ზე მეტი ოკუპანტი და ასევე, გაანადგურეს:
✔️ 6 ტანკი
✔️ 3 საბრძოლო ჯავშანმანქანა
✔️ 25 საარტილერიო სისტემა და მეტი.
