2024 წლის თებერვალში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 9.5 პროცენტი შეადგინა, ხოლო იანვარ-თებერვლის საშუალო მაჩვენებელი 7.7 პროცენტია. ამის შესახებ საქართველოს სტატისტიკის ეროვნული სამსახურის 2024 თებერვლის ეკონომიკური ზრდის წინასწარ შეფასებაშია ნათქვამი.

როგორც საქსტატში აცხადებენ, 2024 წლის თებერვალში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა:

• დამამუშავებელი მრეწველობა
• მშენებლობა
• პროფესიული, სამეცნიერო და ტექნიკური საქმიანობები
• ინფორმაცია დაკომუნიკაცია
• ტრანსპორტი და დასაწყობება

ხოლო კლების ტენდენცია დაფიქსირდა ენერგეტიკის და სამთო-მოპოვებითი მრეწველობის სექტორებში.

როგორც საქსტატში აღნიშნავენ, ეკონომიკის ზრდის ყოველწლიური წინასწარი  შეფასება იანგარიშება უწყებრივი სტატისტიკის (დღგ-ის გადამხდელი საწარმოების ბრუნვების, ფისკალური და მონეტარული მონაცემების) საფუძველზე.