მარგარიტა სიმონიანის მონაწილეობას ვლადიმერ სოლოვიოვის შოუში რუსულ მედიაში დიდი გამოხმაურება მოჰყვა. „მარგარიტა სიმონიანი გამოცვალეს?!“ – ამ სახელწოდებით ავრცელებენ სტატიებს რუსული გამოცემები, საქმე ისაა, რომ რუსმა პროპაგანდისტმა ამჯერად ომის შეწყვეტის აუცილებლობაზე ისაუბრა. ეს მას შემდეგ, რაც უკრაინის არმიას კონტრშეტევა დაიწყო.

„აი, ინდონეზიამ კარგი გეგმა შემოგვთავაზა. მე ხელს ვაწერ ამას, ამაზე ერთი წელია, ვსაუბრობ, აუცილებლად უნდა შეწყდეს სისხლისღვრა. ეს კონფლიქტი უნდა გაიყინოს იქ, სადაც ახლა არის გაჩერებული. მოდი, ჩავატაროთ რეფერენდუმები და ხალხმა გადაწყვიტოს, სად უნდა ცხოვრება. რუსეთს არ სჭირდება სხვისი ტერიტორიები, რეგიონები, სადაც მოსახლეობას რუსეთთან თანაცხოვრება არ უნდა“ – ამბობს სიმონიანი.