აზოვსტალიდან დაჭრილი ჯარისკაცების ევაკუაციაზე "აზოვის" პოლკის დამფუძნებელი, ანდრეი ბილეცკი საუბრობს და ყველას მოუწოდებს, თავი შეიკავონ პროცესის ისეთი კრიტიკისაგან, რომელსაც შეუძლია დააზიანოს მებრძოლების გადარჩენის ოპერაცია.

უკრაინისა და საფრანგეთის პრეზიდენტებს შორის სატელეფონო საუბარი შედგა.

უკრაინის საგარეო საქმეთა მინისტრი, დმიტრო კულება ცეცხლის შეწყვეტის მიზნით რუსეთისთვის ტერიტორიების დათმობას გამორიცხავს. ამის შესახებ მან Bloomberg-თან ინტერვიუში განაცხადა.

რუსეთის თავდაცვის სამინისტროში განაცხადეს, რომ „აზოვსტალიდან“ დაჭრილი უკრაინელი სამხედროების ევაკუაცია დაიწყო.

დიდი შვიდეულის ქვეყნებმა შეხვედრის დასრულების შემდეგ საერთო განცხადება გამოაქვეყნეს, სადაც უკრაინის მიმართ სოლიდარობა კიდევ ერთხელ გამოხატეს და რუსეთის სამხედრო აგრესია დაგმეს.

უკრაინის პრეზიდენტმა ვოლოდიმირ ზელენსკიმ ხელი მოაწერა კანონს, რომელიც კრძალავს პრორუსულ პოლიტიკურ პარტიებს. ამის შესახებ Telegram-ზე უმაღლესი რადას იურიდიული პოლიტიკის საპარლამენტო კომიტეტის თავმჯდომარემ ოლგა სოვგირიამ (ფრაქცია “ხალხის მსახური”) განაცხადა.

რუსეთის შეტევამ დონბასზე იმპულსი დაკარგა და მნიშვნელოვნად ჩამორჩა განრიგს. მცირემასშტაბიანი თავდაპირველი მიღწევების მიუხედავად, რუსეთმა გასული თვის განმავლობაში ვერ შეძლო მნიშვნელოვანი ტერიტორიული წარმატება, - ამის შესახებ გაერთიანებული სამეფოს თავდაცვის სამინისტროს დაზვერვის განახლებულ ინფორმაციაშია აღნიშნული.

მოსკოვის მუქარა აღარავის აღარ აინტერესებს, ნატო-ს საზღვრები სანქტ-პეტერბურგის მისადგომებამდე მივა,- ამის შესახებ უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა „ტვიტერზე“ განაცხადა.

დასავლეთის ქვეყნებმა რუსეთს ტოტალური ჰიბრიდული ომი გამოუცხადეს და რამდენ ხანს გაგრძელდება ის ჯერ უცნობია, - ამის შესახებ რუსეთის საგარეო საქმეთა მინისტრმა სერგეი ლავროვმა საშინაო და თავდაცვითი პოლიტიკის სხდომაზე სიტყვით გამოსვლისას განაცხადა.

საფრანგეთის პრეზიდენტი ემანუელ მაკრონი უკრაინას სთავაზობს, „წავიდეს გარკვეულ დათმობებზე სუვერენიტეტის სფეროში“ იმისთვის, რომ რუსეთის პრეზიდენტს დაეხმაროს „სახის შენარჩუნებაში“, - ამის თაობაზე განაცხადა უკრაინის პრეზიდენტმა ვოლოდიმირ ზელენსკიმ იტალიის ტელეარხ Rai 1-თან ინტერვიუში.

ზელენსკის თქმით, ეს არ იყო მთლად კორექტული. ის აღნიშნავს, რომ უკრაინა არ არის მზად, „ვინმეს რამე შეუნარჩუნოს და ამის გამო ტერიტორია დაკარგოს.“ ზელენსკის არ გაუმხელია, რას გულისხმობდა მაკრონი კონკრეტულად და როდის უთხრა საფრანგეთის პრეზიდენტმა მას ასეთი რამ.

თავად მაკრონი ბოლოს კიევსა და მოსკოვში თებერვლის დასაწყისში იმყოფებოდა, უკრაინაში ომის დაწყებამდე.

პრესა მაშინ წერდა, რომ მაკრონს შეეძლო ზელენსკისთვის ჩაეტანა პუტინის წინადადება, რომელიც ეხებოდა, კერძოდ, მინსკის შეთანხმების შესაბამისად პირობებზე რუსეთის თანხმობას. ომი დაიწყო საფრანგეთის პრეზიდენტის ვიზიტის შემდეგ დაახლოებით ორ კვირაში. ზელენსკის აზრით, რუსეთის პრეზიდენტისთვის „სახის შენარჩუნების“ ნაცვლად, საჭიროა ფიქრი, რა მოელის რუსეთს მომავალში. "ვიცი, სურდა რუსეთსა და უკრაინას შორის შუამავლობს შედეგისთვის მიეღწია, მაგრამ ვერ მიიღო,“ უთხრა ზედენსკიმ Rai 1-ს, იტყობინება უკრაინის პრეზიდენტის Telegram-ის არხი.

იტალიურ არხს ვოლოდიმირ ზელენსკიმ უთხრა, რომ მზად არის შეხვდეს პუტინს, მაგრამ წინასწარი პირობების და ულტიმატუმების გარეშე და მხოლოდ პირადად. კრემლის პრესმდივნის, დმიტრი პესკოვის თანახმად, ასეთი შეხვედრა შესაძლებელია, მაგრამ არა რამე საკითხების არსებითი განხილვისთვის, არამედ დოკუმენტების ხელმოსაწერად.

ელისეს სასახლემ AFP-ს განუცხადა, რომ "მაკრონის არასოდეს არაფერი განუხილავს ვლადიმირ პუტინთან ერთად პრეზიდენტ ზელენსკის თანხმობის გარეშე“.