თურქეთმა შიდა ფრენები განაახლა, რომელიც კორონავირუსის პანდემიის გამო 28 მარტის შემდეგ იყო შეჩერებული. ინფორმაციას ამის შესახებ სააგენტო Anadolu ავრცელებს.

რომში კოლიზეუმი თითქმის სამთვიანი პაუზის შემდეგ ვიზიტორებისთვის გაიხსნა. კორონავირუსის გავრცელების პრევენციის მიზნით კოლიზეუმში გარკვეული რეგულაციები მოქმედებს. ძეგლის შიდა ტერიტორიაზე ერთდროულად 200-300 ადამიანზე მეტის ყოფნა აკრძალულია. გამკაცრებულია სოციალური დისტანციის ზომები, სავალდებულოა პირბადეების ტარება. დამთვალიერებლებს ტერიტორიზე შესვლამდე ტემპერატურას გაუზომავენ. ასევე, კოლიზეუმში მოსახვედრად საჭიროა ვიზიტის წინასწარ დაჯავშნა.

საიდუმლო სამსახურის აგენტებმა უსაფრთხოების მიზნით აშშ-ის პრეზიდენტი თეთრ სახლთან საპროტესტო აქციების დროს მიწისქვეშა ბუნკერში გადაიყვანეს, სადაც მან საათზე ნაკლები დრო გაატარა. ამის შესახებ New York Times-ი წერს.

საფრანგეთში ახალი კორონავირუსით გარდაცვლილთა რაოდენობა კვლავ იკლებს. გასული დღე-ღამის განმავლობაში საფრანგეთის საავადმყოფოებში „კოვიდ-19“-ით 31 ადამიანი გარდაიცვალა.

იტალიაში გასული 24 საათის განმავლობაში „კოვიდ-19“-ით 75 ადამიანი გარდაიცვალა და ვირუსის 355 ახალი შემთხვევა გამოვლინდა, რაც, გუშინდელთან შედარებით, 61-ით ნაკლებია.

სომხეთი მიესალმება საქართველოს მზაობას, დაეხმაროს კორონავირუსთან ბრძოლაში, თუმცა, იმედოვნებს, რომ ამის საჭიროება არ იქნება. ამის შესახებ სომხეთის პრემიერ-მინისტრმა ნიკოლ ფაშინიანმა შაბათის ბრიფინგზე განაცხადა, როდესაც უპასუხა კითხვას, თვლის თუ არა, რომ შესაძლოა, სომხეთმა მიმართოს დახმარებისთვის საქართველოს, თუ გავითვალისწინებთ საქართველოს დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებას, რომ თუ სომხეთის დაავადებათა კონტროლის ცენტრის მიმართვა იქნება, რაიმე სახის დახმარების საჭიროების შესახებ, ამისთვის მზად არიან.

15 ივნისიდან საბერძნეთი საზღვრებს 29 ქვეყნის მოქალაქეებისთვის გახსნის. ინფორმაციას BBC საბერძნეთის ტურიზმის სამინისტროზე დაყრდნობით ავრცელებს. როგორც ცნობილია, 15 ივნისიდან საბერძნეთში ჩასვლა ტურისტებს ევროკავშირის ქვეყნების უმეტესობიდან, მათ შორის გერმანიიდან, ავსტრიიდან, დანიიდან და ფინეთიდან, შეეძლებათ. თუმცა, ევროპის ის ქვეყნები, რომლებიც კორონავირუსმა ყველაზე მეტად დააზარალა, სიაში ნახსენები არაა.

სომხეთში, ბოლო 24 საათის განმავლობაში კორონავირუსის 251 ახალი შემთხვევა გამოვლინდა და საერთო ჯანში ინფიცირებულთა საერთო რაოდენობამ 8927 შეადგინა. ამასთან, უკანასკნელი დღე-ღამის განმავლობაში, ქვეყანაში კორონავირუსით 7 ადამიანი გარდაიცვალა და ამ მონაცემით, დაღუპულთა რაოდენობა ქვეყანაში 127-მდე გაიზარდა.

მარნეულში მძღოლმა მგზავრებს პირბადეები ათხოვა და ჩასვლისას უკან დააბრუნებინა. ინფორმაციას ამის შესახებ „რადიო მარნეული“ ავრცელებს.

შვეიცარიაში სექს-მუშაკები კორონავირუსის პანდემიის გამო შეწყვეტილ მუშაობას 6 ივნისიდან განაახლებენ.