ისრაელში ჩინეთის ელჩი საცხოვრებელ სახლში გარდაცვლილი იპოვეს. ისრაელის მედიაზე დაყრდნობით, „ბიბისი“ წერს, რომ ელჩი დუ ვეი თელ ავივის გარეუბანში მდებარე საკუთარ რეზიდენციაში, საწოლში ნახეს გარდაცვლილი.

საფრანგეთში ბოლო 24 საათის განმავლობაში კორონავირუსით 96 ადამიანი გარდაიცვალა. ინფორმაციას „როიტერი“ ავრცელებს.

ინდოეთში, ორისას შტატში კორონავირუსი დაამარცხა 85 წლის ქალმა, რომელიც 22 კილოგრამს იწონიდა. ინფორმაციას ამის შესახებ გამოცემა The Hindu წერს.

იტალიური მედიის ინფორმაციით, 3 ივნისიდან იტალია ევროკავშირის ქვეყნებს თავის საზღვრებს გაუხსნის.

ორთვიანი კარანტინის შემდეგ 18 მაისიდან იტალიაში მუზეუმები გაიხსნება. ინფორმაციას ამის შესახებ ტელეკომპანია CNN-ი ავრცელებს.

ჯანდაცვის მსოფლიო ორგანიზაციის მოდელირებული ანგარიშის მიხედვით, იმ შემთხვევაში თუ აფრიკაში სასწრაფო ზომები არ იქნება მიღებული, „კოვიდ 19“-ით შესაძლოა, 200 მილიონი ადამიანი დაავადდეს, 150 000 კი დაიღუპოს.

იტალიაში, ვენეციის მახლობლად ქიმიურ საწარმოში აფეთქება მოხდა, რის შედეგადაც რამდენიმე ადამიანი დაშავდა. მედიის ინფორმაციით, საწარმოში აფეთქება ხანძარმა გამოიწვია, რომლის მიზეზიც ჯერ დადგენილი არ არის. აფეთქების შემდეგ, ადგილობრივმა ხელისუფლებამ საწარმოს სიახლოვეს მცხოვრებლებს მოუწოდა სახლში დარჩენილიყვნენ და ფანჯრები დაეხურათ.

იტალიის პრემიერ-მინისტრი ჯუზეპე კონტე აცხადებს, რომ იმ შემთხვევაში, თუ ე.წ. მწვანე კორიდორის შესახებ ევროკავშირის ინიციატივა ძალაში შევა, იტალია ევროკავშირს დატოვებს. ინფორმაციას „სიენენი“ ავრცელებს.

თუ გლობალური დათბობის დაძლევა და შენელება გვსურს, საჭიროა ვიცოდეთ მისი რაც შეიძლება მეტი ეფექტის შესახებ. ამინდის მახასიათებლების ახალმა კვლევამ ამ სიას კიდევ ერთი პოტენციური პრობლემა დაამატა — ელ-ნინიოს სტილის უძველესი სისტემის შესაძლო დაბრუნება ინდოეთის ოკეანეში.