ჩინეთში, საიდანაც კოვიდ-19 გავრცელდა როგორც გარდაცვლილთა ისე, დაინფიცირების მაჩვენებლები საკმაოდ დაბალია. ბოლო 24 საათის განმავლობაში ქვეყანაში კორონავირუსით 2 ადამიანი გარდაიცვალა და გარდაცვლილთა საერთო რაოდენობამ 3 333 შეადგინა. ახალი სტატისტიკური მონაცემები worldometers-ზეა გამოქვეყნებული.

საფრანგეთში კარანტინის რეჟიმი 15 აპრილის შემდეგაც გაგრძელდება. ამის შესახებ განცხადება ელისეის სასახლეში გააკეთეს.

საფრანგეთში ბოლო 24 საათში კორონავირუსით 541 ადამიანი დაიღუპა.

ტელეკომპანია „ეიბისის“ ცნობით, აშშ-ის დაზვერვა თეთრ სახლსა და პენტაგონს კორონავირუსის შედეგების შესახებ 2019 წლის ნოემბერში აფრთხილებდა. როგორც ჟურნალისტები ამტკიცებენ, ისინი გაეცნენ აშშ-ის სამედიცინო დაზვერვის ეროვნული ცენტრის (NCMI) ანგარშს, სადაც საუბარია, რომ „ჩინეთის ქალაქ უხანში ახალი ინფექცია ვრცელდება, რომელიც საფრთხეს წარმოადგენს და ადამიანების ცხოვრებაზე მოქმედებს“.

გაერთიანებულ სამეფოში კორონავირუსით გასული 24 საათის განმავლობაში 936 ადამიანი დაიღუპა. მათ შორის ინგლისში ლეტალობის 828 შემთხვევა დაფიქსირდა, უელსში 33, ჩრდილოეთ ირლანდიაში ხუთი და შოტლანდიაში 70.

„ბიბისის“ ცნობით, კორონავირუსის პანდემიის გამო, მსოფლიოში ყოველი ხუთი ადამიანიდან ოთხი არ მუშაობს. გაერთიანებული სამეფოს საზოგადოებრივი მაუწყებელი აღნიშნულ ინფორმაციას შრომის საერთაშორისო ორგანიზაციის კვლევაზე დაყრდნობით ავრცელებს.

ჩეხეთის ჯანდაცვის მინისტრის, ადამ ვოიტეხის განცხადებით, ხელისუფლებამ ახალი კორონავირუსის უკონტროლო გავრცელების შეჩერება შეძლო და ქვეყანა მზადაა, ცხოვრების ნორმალურ რითმს დაუბრუნდეს. ამის შესახებ ინფორმაციას ჩეხური მედია ავრცელებს. ადამ ვოიტეხის თქმით, „ჩეხეთში იტალიისა და ესპანეთის მსგავსი მდგომაროება არ არის“.

ესპანეთში ახალი კორონავირუსის შედეგად ბოლო 24 საათში 757 ადამიანი გარდაიცვალა.

ახალი კორონავირუსით დაინფიცირების შედეგად, იტალიაში, ბოლო 24 საათის განმავლობაში, 542 ადამიანი გარდაიცვალა და მლიანობაში გარდაცვლილთა რიცხვი 17 669-მდე გაიზარდა. ახალი სტატისტიკური მონაცემები worldometers -ზეა გამოქვეყნებული.