მოზაიკა
სულ რამდენიმე დღეა, რაც სოციალურ ქსელში კამპანია “გავუშვათ ნუცა Hollywood-ში” დაიწყო და მოწოდებაც ვირუსულად ვრცელდება. ამის პარალელურად ჩნდება კითხვა, ვინ არის ნუცა?! “პრაიმტაიმი” მომავალ მსახიობს დაუკავშირდა და ახლა, ამ სტატიიდან „ჰოლივუდელ ნუცას“ გაიცნობთ.

ის 19 წლისაა და მსახიობობაზე ბავშვობიდან ოცნებობდა. საქართველოში დაწუნებულს ამერიკის მსახიობთან ცნობილმა აკადემიამ The American Academy of Dramatic Arts – მა ზუსტად სამ დღეში საოცნებო პასუხი წერილობით აცნობა, ისინი ქართველ გოგოს სტუდენტობას ულოცავდნენ… ნუცას გეგმები დიდი აქვს – ბავშვობის დროინდელი ოცნების ახდენას არც თუ ისე სოლიდური თანხა სჭირდება, რომელიც თავად მომავალ მსახიობს არ აქვს. მეგობრებმა ურჩიეს, რომ სოციალურ ქსელში მხარდამჭერი კამპანია წამოეწყო და დაიწყო კიდეც…


“მე 19 წლის ნუცა ქილიფთარი ვარ, ამჟამად, მოდელების სახლ “მატერიაში” ლოჯისტიკის მენეჯერის ასისტენტად ვმუშაობ, ასევე თსუ-ში ფილოლოგიურზე ვსწავლობ, მიუხედავად იმისა, რომ ეს ჩემი სფერო არ არის. ბავშობიდან მსახიობობა მინდოდა, ვგრძნობდი, რომ ეს ჩემი მოწოდება იყო. სკოლის დამთავრების შემდეგ მოუმზადებლად თეატრალურ ინსტიტუტში ჩაბარება გადავწყვიტე, მაგრამ პირველივე ტურიდან გამოვვარდი, ერთი-ორ დღიანი სევდა მქონდა, მაგრამ მაინც არ დავნებდი.

აქაურობაზე გული ამიცრუვდა და საზღვარგარეთ უნივერსიტეტების ძებნა დავიწყე, ხან იტალიაზე ვფიქრობდი, ხან – გერმანიაზე. ბოლოს, ამერიკაზე შევჩერდი და გადავწყვიტე საბუთები იმ აკადემიაში გამეგზავნა, სადაც ჩემი საყვარელი მსახიობი Sarah Paulson-ი სწავლობდა.

7 თვე მხოლოდ საბუთებს ვამზადებდი, სკოლიდან დახასიათებებიც კი მჭირდებოდა, მერე ბიუროკრატიული პროცედურები იყო და როგორც იქნა მოსმენა დამინიშნეს, ეს 3 მაისს იყო. მოსმენა კომენდანტის საათს დაემთხვა, ვერსად გავიდოდი და აივნიდან ჩავერთე, მოვამზადე ორი მონოლოგი – დრამატული და კომიკური. თავად კმაყოფილი ვიყავი, ვფიქრობდი, რომ მათაც მოეწონათ, მაგრამ არც იმდენად, რომ ჩამრიცხავდნენ.

მითხრეს, 2-დან 4 კვირამდე პერიოდში გახდება პასუხი ცნობილიო. ველოდებოდი დათქმული ვადის ამოწურვას, თუმცა მესამე დღეს, დილის 6 საათზე ამოუხსნელი მიზეზით გამეღვიძა, ელ-ფოსტა შევამოწმე და დავინახე სიტყვა Congretulation (გილოცავთ), მივხვდი, რომ ჩავირიცხე.დილის 6 საათია, როგორ გინდა, რომ ამ დროს იყვირო, მაგრამ ხომ აუცილებლად უნდა იყვირო? ხოდა ვიყვირე. მშობლები მხარს მიბამდნენ, დედა თავად ოცნებობდა მსახიობობაზე და მითხრა, მე ვერ გავხდი მსახიობი, იქნებ შენ გახდეო.

მერე საქმე ფინანსებზე მიდგა. ვიცოდი, რომ სწავლების დაფინანსებას დამოუკიდებლად ვერ შევძლებდი და დაფინანსებაზე მიმოწერა დავიწყე. აკადემიას ავუხსენი როგორია ქვეყანაში არსებული ეკონომიკური მდგომარეობა, ამის შემდეგ 8 000 დოლარით დამაფინანსეს, თუმცა შესაგროვებელი 32 000 დოლარი დამრჩა.

მერე საქართველოში მიმოწერა დავიწყე, ყველა უწყებას და კერძო პირებს მივწერე, ზოგმა უარი მითხრა, ზოგიც საერთოდ არ გამომხმაურებია. მერე, მეგობრებმა მირჩიეს, სოციალურ ქსელში კამპანია დამეწყო და ასე შემეგროვებინა სწავლისთვის საჭირო თანხა.

მართალია, 32 000 დოლარი მხოლოდ აკადემიის გადასახადია და რა თქმა უნდა, იქ ცხოვრების ხარჯებიც მექნება, მაგრამ ამაზე ხალხის შეწუხებას არ ვაპირებ. თავად ვიზამ რამეს. პირობა დავდე, რომ საქართველოში აუცილებლად დავბრუნდები და ვინც მწერს, რომ მსახიობობაზე ოცნებობენ, მათ გავუზიარო ჩემი პროფესიული გამოცდილება, იქნება ეს უნივერსიტეტის თუ კოლეჯის სახით…

ჯერ კიდევ შოკში ვარ, ჯერ კიდევ ვერ გავაცნობიერე, რომ მე მართლა ჩავირიცხე და ვერც კი ვფიქრობ, როგორი იქნება ჩემი ჰოლივუდური პირველი დღეები, ალბათ შოკიდან დიდხანს ვერ გამოვალ. ძალიან მიხარია, რომ ადამიანები მხარდაჭერას გამოხატავენ და ვისაც რამდენი შეუძლია, იმდენს რიცხავენ, ძალიან მახარებს ტელეფონის ზარი, რომელიც მატყობინებს, რომ ვიღაც ჩემი ოცნებების ასახდენად დაიხარჯა.” – ამბობს ნუცა ქილიფთარი.
11:20 / 12.06.2021
 
სულ მალე ბრიტანეთში „რომან დენსის“ აუქციონზე პრინცესა დაიანას კუთვნილ ავტომობილს გასაყიდად გამოიტანენ. ეს გახლავთ „ფორდ ესკორტი“ , რომელიც პრინცმა ჩარლზმა დაიანას 1981 წელს, ნიშნობაზე საქორწილოდ აჩუქა. მანქანა ფანტასტიკურად გამოიყურება, მისი სალონი ზუსტად ისეთია, როგორიც 80-იანეში და ის არასოდეს შეუღებავთ. მანქანას აქვს თილისმაც, ვერცხლისფერი ბაყაყი, რომელიც დაიანას დამ, სარა სპენსერმა აჩუქა.
22:28 / 11.06.2021
 
სამ­ხრეთ აფ­რი­კე­ლი ქალი, რო­მელ­მაც 10 შვი­ლი გა­ა­ჩი­ნა, მსოფ­ლი­ოს რე­კორდსმე­ნი გახ­და. გო­სი­ა­მე თა­მა­რა სი­ტო­ლის ქმა­რი ამ­ბობს, რომ ისი­ნი გა­ო­ცე­ბუ­ლე­ბი არი­ან ამ ამ­ბით, რად­გა­ნაც თავ­და­პირ­ვე­ლად იცოდ­ნენ, რომ საშ­ვი­ლოს­ნო­ში რვა ნა­ყო­ფი იყო.
19:12 / 09.06.2021
 
პირველი საუნივერსიტეტო კლინიკა უსაყვარლესი პატარა გოგონას ფოტოებს ავრცელებს. ის 29 კვირის ვადაზე დაიბადა, ანამარიამ ექიმების დახმარებით იბრძოლა და დღეს შესანიშნავი გოგონაა.
19:07 / 09.06.2021
 
რეპროდუქციული მედიცინის ცენტრი „ფეისბუქის“ ოფიციალურ გვერდზე ვიდეოს ავრცელებს, სადაც მეან-გინეკოლოგი, პაციენტის უიშვიათეს ამბავს ყვება.„ძალიან იშვიათი შემთხვევა: მაიკო მექვაბიძე სულ რაღაც 1 თვეში ელოდება მშობიარობას, ხოლო ორსულობის შესახებ მხოლოდ დღეს გაიგო!
18:59 / 09.06.2021
 
ინდოეთში საქორწილო რიტუალის დროს ახალგაზრდა ქალი მიწაზე დაეცა და გარდაიცვალა.
ინციდენტი 27 მაისს, სოფელ სამასპურში მოხდა. მაშინ, როდესაც ადგილობრივი მცხოვრები მანგეშ კუმარი მის რჩეულზე, სურბიზე ქორწინდებოდა და რიტუალის თანახმად, წყვილი ერთმანეთს ყვავილებს უცვლიდა, პატარძალი დაეცა და გულის შეტევით ადგილზე გარდაიცვალა.
19:27 / 03.06.2021
 
ილონ მასკის დედა, 73 წლის მეი მასკი გლამურული ჟურნალის, lofficiel-ის მაისის ნომრის გარეკანზე გამოჩნდა. ფოტოების პირველი სერია ინტერნეტში დღეს გავრცელდა და უდიდესი გამოხმაურებაც მოიპოვა. წარმოშობით კანადელი მოდელი, სამი შვილის დედა მეი მასკი ახალ ფოტოებზე შეუდარებელია. ეს ერთდროულად რამდენიმე იმიჯს ირგებს და ყველას იდეალურად იხდენს.
18:54 / 02.06.2021
 
იტალიური მოდის სახლის Gucci-ის ვირტუალური ჩანთა რეალურზე $715 ძვირი აღმოჩნდა. ამის შესახებ Hypebeast წერს.
00:14 / 30.05.2021
 
1995 წელს პრინცესა დაიანას მიერ მიცემული ინტერვიუ დღეს განხილვის საგანი ხდება. საუბარია „ბიბისის“ ჟურნალისტის, მარტინ ბაშირისთვის მიცემულ ინტერვიუზე, რომელიც იძულების გზით მიცემული აღმოჩნდა.
22:21 / 24.05.2021
 
ჯანმრთელობის მსოფლიო ორგანიზაციის განსაკუთრებით საშიში პათოგენების ჯგუფის ხელმძღვანელი რიჩარდ პიბოდი COVID 19-ის ვარიანტებზე, ქვეყნებისა და ადამიანებისათვის მათ მნიშვნელობაზე ინტერვიუში საუბრობს.
14:09 / 24.05.2021
 
კალენდარი
ორ სა ოთ ხუ პა შა კვ
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
×