მოზაიკა
LCD Berlin Awards გლობალური კულტურული სამოგზაურო ქსელისა და VisitBerlin-ის ერთობლივ ცერემონიალზე საქართველოს დედაქალაქმა გაიმარჯვა. კონკურსში მონაწილეობის მისაღებად მოსამზადებელი სამუშაოები ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ გასწია. ადმინისტრაციამ LCD Berlin Awards-ს კონკურსისთვის საჭირო შესაბამისი მასალა მიაწოდა.
20:04 / 09.03.2020
 
ვოტსაპმა iOS-სა და ანდროიდზე ბნელი რეჟიმი დაამატა. თვეების განმავლობაში ბეტა-ტესტირების ფაზაში ყოფნის შემდეგ, ვოტსაპის ბნელი რეჟიმი დღეს ორივე მობილურ ოპერაციულ სისტემაზე ხელმისაწვდომი გახდა. თუ ბნელი რეჟიმი თქვენ უკვე გაქვთ iOS 13-ის ან ანდროიდ 10-ის სისტემურ დონეზე, ვოტსაპი მას ავტომატურად გადართავს. რაც შეეხება ანდროიდ 9-ის მომხმარებლებს, ახალი ფუნქციის ჩართვა მათ აპლიკაციის პარამეტრებიდან შეუძლიათ.
21:40 / 04.03.2020
 
რუსული მედიის ინფორმაციით, რუსმა ოლიგარქმა რომან აბრამოჩმა გერმანულ კაზინოში ცნობილი რუსი მწერლის, ფილოსოფოსისა და მოაზროვნის, თეოდორე დოსტოევსკის ვალი 240 000 ევროს ოდენობით, გადაიხადა.
20:58 / 04.03.2020
 
ქართველი მსახიობი მერაბ ნინიძე მონაწილეობას იღებს Netflix-ის ახალ სერიალში Freud, რომლის პრემიერაც ბერლინის საერთაშორისო კინოფესტივალზე უკვე შედგა.
20:52 / 04.03.2020
 
მსოფლიოში ერთ-ერთი ყველაზე ცნობილი ქართველი დიზაინერი დემნა გვასალია, Balenciaga 2020-ის ახალი კოლექციის ჩვენების დასრულების შემდეგ vogue.com-თან ინტერვიუში ამბობს, რომ ის იმ ქვეყნიდანაა სადაც მართლმადიდებელი ეკლესია დომინანტი იყო.
00:32 / 03.03.2020
 
მისურის შტატის ქალაქ სენტ-ლუისში მდებარე ვაშინგტონის სამედიცინო უნივერსიტეტის მეცნიერებმა ადამიანის ღეროვანი უჯრედებით თაგვები დიაბეტისგან განკურნეს. ინფორმაციას ამის შესახებ გამოცემა Daily Mail-ი ავრცელებს. მეცნიერებმა ადამიანის ღეროვანი უჯრედები ინსულინის წარმომქმნელ უჯრედებად გადააქციეს, შემდეგ კი მათი საშუალებით დიაბეტით დაავადებულ თაგვს უმკურნალეს და 2 კვირაში ის სრულად განიკურნა.
00:43 / 02.03.2020
 
პარიზში ლუვრის მუზეუმი დროებით დაიკეტა. ვიზიტორების რაოდენობის მიხედვით მსოფლიოში ნომერ პირველი მუზეუმის დახურვის მიზეზი კორონავირუსთან დაკავშირებით ლუვრის თანამშრომელთა საგანგებო თათბირი გახდა.
00:15 / 02.03.2020
 
კომპანია Apple-ი ფილმის მწარმოებლებს უკრძალავს კომპანიის პროდუქცია ფილმში უარყოფითმა გმირებმა გამოიყენონ. წერს theguardian.
21:17 / 29.02.2020
 
ამერიკელმა ექიმებმა პენსილვანიის შტატის მცხოვრებ ქალს აქამდე უცნობი დაავადება აღმოუჩინეს, რომელმაც პაციენტის შარდის ბუშტი მიკროლუდსახარშად გადააქცია. ამის შესახებ BBC წერს.
01:07 / 27.02.2020
 
გასეირნება ადამიანის სხეულში – უნიკალური მუზეუმი ნიდერლანდებში

ვინ თქვა, რომ გოლიათი ადამიანის სხეულში მოხვედრა და იქიდან უვნებლად გამოსვლა მხოლოდ საოცრებათა ფილმებში ან ზღაპრებშია შესაძლებელი. ნიდერლანდებში, მაგალითად, ასეთი რამ შესაძლებელია.

როგორ?

როგორ და ამ ქვეყანაში შეგიძლიათ მოინახულოთ ადამიანის სხეულის მუზეუმი, რომელსაც მთელ მსოფლიოში არ აქვს ანალოგი. მუზეუმი იმდენად რეალისტურია, რომ მისი მონახულების დროს ადამიანებს სუნთქვა ეკვრით.
info9.ge


კარის ზღურბლიდანვე ხვდებით ადამიანის სხეულში და თავისუფლად გადაინაცვლებთ ნებისმიერ ორგანოში.
მუზეუმი ნიდერლანდების დედაქალაქის მახლობლად, ქალაქ ლეიდენეში მდებარეობს. მისი არშემჩნევა შეუძლებელია. მჯდომარე გიგანტური ადამიანის დანახვა შორიდანვეა შესაძლებელი. შესასვლელი ამ გიგანტური სკულპტურის მუხლშია განთავსებული.

info9.ge
მუზეუმი ფაქტობრივად ერთ დიდ ქალაქს წარმოადგენს, რომელიც ადამიანის ორგანიზმის სხვადასხვა ნაწილს მოიცავს.
მგზავრები მოგზაურობას მენჯის ძვლიდან იწყებენ და აკვირდებიან ლეიკოციტებისა და ერითროციტების შექმნას. ნელ-ნელა მიიწევენ ადამიანის სხეულის ზედა ნაწილისკენ. სტუმრები სულ 7 სართულს მოივლიან, თუ შეიძლება ასე დახასიათდეს გიგანტური ადამიანის სხეული.

info9.ge
თითოეული ორგანო საოცრად რეალისტურად არის გამოსახული, ისე, რომ ადამიანებს გააკანკალებთ ხოლმე. მომავალი მედიკოსებისთვის ეს ნამდვილად საოცნებო ადგილია. მათ შესაძლებლობა ეძლევათ საკუთარი თვალით ნახონ როგორ ხდება სისხლის ცირკულაცია ორგანიზმში ან როგორ მუშაობს ადამიანის კუჭ-ნაწლავის ტრაქტი.

info9.ge
თითოეული ორგანოს ფუნქციონირება გამოსახულია მონიტორზე და თან სდევს შესაბამისი რეალური ხმა. იმისათვის, რომ ადამიანმა რეალურად შეიგრძნოს ყოველივე, დამატებით გამოიყენება 5დ ფორმატი.


მუზეუმში შესაძლებელია ნახოთ როგორ იბადება საშვილოსნოში ახალი სიცოცხლე და ასევე შესაძლებელი ნაყოფის განვითარებაზე თვალის მიდევნება. სტუმრებს კვერცხუჯრედის განაყოფიერებასაც აჩვენებენ. გიგანტური სკულპტურა, შემქმნელების ჩანაფიქრით, ქალია.

info9.ge
სკოლის ასაკის ბავშვებს კი განსაკუთრებით ენა მოსწონთ, რომელზეც, როგორც ბატუტზე, შესაძლებელია ხტუნვა და სხვადასხვა ხმის გამოცემა.
ერთსაათიანი ექსკურსიის მანძილზე გიდი სტუმრებს დეტალურად აღუწერს ადმიანის ორგანიზმის მუშაობას.


სხვათა შორის, ექსკურსიის დროს ადამიანებს შეუძლიათ ასევე საკუთარი თვალით ნახონ რა უარყოფითი შედეგები მოაქვს მავნე ჩვევებს, მაგალითად თამბაქოს მოწევას და ალკოჰოლის მიღებას. დარწმუნდებიან იმაში, რამდენად ფაქიზია ეს ერთი შეხედვით ძლიერი ორგანიზმი.


მოგზაურობის ფინალური წერტილი ადამიანის ტვინია, წარმოდგენილი ძალიან რეალისტური ნეირონებით, რომელსაც შესაძლებელია ხელითაც კი შეეხონ.


მუზეუმის პროექტზე მუშაობა 12 წელი მიმდინარეობა, მშენებლობას კი კიდევ 2 წელი დასჭირდა. იდეის რეალიზაცია დაახლოებით 30 მილიონ დოლარზე მეტი დაჯდა.


ძირითადი შენობა მინისაა, ადამიანის ფიგურა კი განსაკუთრებული ფოლადისგანაა დამზადებული, რომელიც თითქმის არ ექვემდებარება კოროზიას. შენობის სიმაღლე დაახლოებით 35 მეტრია.


info9.ge
21:39 / 25.02.2020
 
კალენდარი
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
×