,,ქალბატონო ელჩო, მე მზად ვარ ჩავუდგე სათავეში ინტელიგენციას, ქართველ ხალხს, თქვენ მიერ შერჩეულ ადგილას შეგხვდეთ სასაუბროდ, ჩვენი საფუძვლიანი შიში და სიმართლე გითხრათ, თქვენ - დიდი ქვეყნის შვილს, ჩემი 1800 წლოვანი და კიდევ ბევრად მეტი პატარა ქვეყნის ტკივილი და წარმატება მოგიყვეთ,” - ასე მიმართავს საქართველოს კულტურის პალატის პრეზიდენტი დავით ოქიტაშვილი აშშ-ს ელჩს.

რატომ შეხვდა პოლიტიკიდან წასულ ადამიანს? რაზე ისაუბრეს? თუ ამ შეხვედრას გვიმალავდა, სხვა რამ როგორ დავიჯეროთ ქალბატონი ელჩის? რაც უფრო დრო გადის, მით უფრო ვრწმუნდები, რომ ივანიშვილს არ პატიობენ საქართველოს უანგარო სიყვარულს - წერს ექსპერტი ირაკლი ლატარია სოციალურ ქსელში ბიძინა ივანიშვილის წერილის შესახებ, სადაც ივანიშვილი აშშ-ს ელჩთან შეხვედრას ადასტურებს.

“ირაკლი კობახიძეს ხმა არ უნდა ამოეღოოო ხოო? უნამუსოები და ფარისევლები ხართ და მეტი არაფერი” - წერს ექსპერტი ირაკლი ლატარია სოციალურ ქსელში.

საჯარო მმართველობის დოქტორი თამთა მეგრელიშვილი სოციალურ ქსელში საქართველოს პარლამენტის წევრების დიმიტრი ხუნდაძის, სოზარ სუბარის და მიხეილ ყაველაშვილის მიერ გამოქვეყნებულ წერილს ეხმიანება.

ეს ქართველი ხალხის მიერ არჩეული დეპუტატები, თქვენც ხომ კარგად იცით მხოლოდ იმას აფიქსირებენ, რომ არა ვისზე ნაკლები ღირსება არ გააჩნია საქართველოს! ეს სამეული ხომ მხოლოდ იმას აფიქსირებს რაც საქართველოს მოსახლეობის აბსოლუტურ უმრავლესობას აფიქრებინებს და აწუხებს! - ასე ეხმიანება ექსპერტი ედიშერ გვენეტაძე საქართველოს პარლამენტის წევრების დიმიტრი ხუნდაძის, სოზარ სუბარის და მიხეილ ყაველაშვილის მიერ გამოქვეყნებულ წერილს.

საკმაოდ უცნაური და არამეგობრულია ქალბატონ დეგნანის მხრიდან საქართველოს პარლამენტის წევრების მიერ დასმულ საკმაოდ ლეგიტიმურ შეკითხვებზე დუმილი. უცნაურია, რადგან ამ შეკითხვების დასმა ამ დეპუტატების პირადი ინიციატივა კი არა, საზოგადოების დიდი ნაწილის მხრიდან არის წამოსული - ამის შესახებ სოციალრ ქსელში ექსპერტი გია გაბრიჭიძე წერს.

დღევანდელ პოლიტიკურ რეალობაში, ვინც თვლის, რომ რუსეთთან ომი და კონფრონტაცია ქვეყნისთვის საზიანოა, მას ფაშისტურ-ბოლშევიკური ტრენდი, პრორუსად აცხადებს - წერს სოციალურ ქსელში არასამთავრობო ორგანიზაცია „ყოფილი პოლიტპატიმრები ადამიანის უფლებებისთვის“ თავმჯდომარე ნანა კაკაბაძე.

„დღეს, სამწუხაროდ უკვე ძალიან ბევრი რამ მიუთითებს იმაზე, რომ კოლექტიურ დასავლეთს სურს ჩვენს ქვეყანაში დაგვიბრუნოს ის სისტემა, რასაც ჩვენ, საზოგადოებამ 2012 წელს წერტილი დავუსვით. ვხედავთ, ვამჩნევთ, გვესმის“- ამის შესახებ ანალიტიკოსი ზაალ ანჯაფარიძე სოციალურ ქსელში წერს.

„წინა რეჟიმის დროს, საქართველოში მიზანმიმართული ანტიდასავლური განწყობების გაღვივების მიუხედავად, საქართველოში მალევე დამკვიდრდა პროდასავლურობის "რენესანსი", რასაც ამჟამად კვლავ აზიანებს ქვეყნის მეხუთე კოლონა, რომლის სათავეში, გარდაცვლილი აკერმანის შემდეგ, ნებსით თუ უნებლიეთ გვევლინება აშშ-ს მოქმედი ელჩი, რაც არის სრული ნონსენსი და პოლიტიკური სიურეალიზმი“ - წერს ექსპერტი დავით ქართველიშვილი.