საქართველოს ჯანდაცვის მინისტრის მოადგილის, თამარ გაბუნიას განცხადებით, "კოვაქს" პლატფორმამ ორი დღის წინ საქართველოს მიმართა, დაადასტუროს ინტერესი "ნოვოვაქსის" ვაქცინასთან დაკავშირებით.

თამარ გაბუნიას თქმით, საქართველო აღნიშნულ ვაქცინაზე ინტერესს დაადასტურებს. ამასთან, გაბუნია განმარტავს, რომ "ნოვოვაქსთან" მიმართებაში პროცესი ჯერ ბოლომდე დასრულებული არ არის.

"ნოვოვაქსი" უკვე გამოჩნდა "კოვაქსის" პლატფორმაზე და ჩვენ "კოვაქს" პლატფორმამ ორი დღის წინ მოგვმართა, დავადასტუროთ ინტერესი "ნოვოვაქსის" ვაქცინასთან დაკავშირებით. ჩვენ, რა თქმა უნდა, დავადასტურებთ ამ ინტერესს. რაც შეეხება პირდაპირ მოლაპარაკებას, ეს პროცესიც დაწყებულია. "ნოვოვაქსის" ერთ-ერთი ყველაზე დიდი მწარმოებელი იქნება სერუმის ინსტიტუტი, როგორც "ასტრაზენეკას" ვაქცინის შემთხვევაში. უკვე გაგზავნილია ინტერესის წერილი, რომ ჩვენ გვაინტერესებს "ნოვოვაქსის" თემაზე მათთან კომუნიკაცია, ეს პროცესიც არის დაძრული. ვფიქრობთ, მოკლე ხანში აქაც გამოიკვეთება მეტი კონკრეტიკა, რა რაოდენობას შემოგვთავაზებს უშუალოდ მომწოდებელი.

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ინტენსიური თოვის გამო, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.
გზის დანარჩენ მონაკვეთებზე ავტოტრანსპორტის მოძრაობა თავისუფალია.

კომპანია „არემჯის“ აღმასრულებელმა დირექტორმა თორნიკე ლიპარტიამ, საქართველოს ტექნიკური უნივერსიტეტის ახლადარჩეულ რექტორ დავით გურგენიძესთან გაცნობითი სახის შეხვედრა გამართა.
მხარეებმა 3 წლიანი თანამშრომლობის შედეგები განიხილეს და სამომავლო გეგმებზე ისაუბრეს, რომელიც კომპანიის მხრიდან სტუდენტებისთვის სხვადასხვა პროგრამების შეთავაზებას და საქართველოს ტექნიკური უნივერსიტეტის მხარდაჭერას ითვალისწინებს.
2017 წელს „არემჯისა“ და საქართველოს ტექნიკურ უნივერსიტეტს შორის გაფორმებული მემორნდუმის ფარგლებში დაიგეგმა და განხორციელდა არაერთი წარმატებული პროექტი, რომელიც სტუდენტების განვითარებაზე და მათ მაღალკვალიფიციურ კადრებად ჩამოყალიბებაზეა ორიენტირებული.

ჯანდაცვის მინისტრის მოადგილის, თამარ გაბუნიას განცხადებით, "კოვაქს პლატფორმას" საქართველოსთვის გამოსაგზავნი "ასტრაზენეკას" ვაქცინის რაოდენობა არ შეუმცირებია.

როგორც გაბუნიამ "ინტერპრესნიუსს" განუცხადა, "კოვაქს პლატფორმის" მიერ გამოქვეყნებულ დოკუმენტში დაზუსტდა საქართველოსთვის ვაქცინების მიწოდების ვადები, რამაც რაოდენობის ცვლილება გამოიწვია.

საქართველოს მთავრობა სახელმწიფო საწარმოების მასშტაბურ რეფორმას ახორციელებს. რეფორმის ფარგლებში, შეირჩა სს "საქართველოს სახელმწიფო ელექტროსისტემა", რომელიც ახლახანს გამოვიდა რეაბილიტაციის რეჟიმიდან, – ამის შესახებ საქართველოს ეკონომიკისა და მდგრადი განვითარების სამინისტროს მიერ გავრცელებულ ინფორმაციაშია ნათქვამი.

ეკონომიკისა და მდგრადი განვითარების მინისტრის, ნათია თურნავას განცხადებით, "სახელმწიფო ელექტროსისტემა" მნიშვნელოვანი კომპანიაა საქართველოს ენერგოუსაფრთხოებისა და ქვეყნის მოსახლეობის უწყვეტი და ხარისხიანი ენერგომომარაგებისთვის. მისი თქმით, დღეს კომპანია ჩვეულებრივ რეჟიმში ფუნქციონირებს, რაც ძალიან დიდი წინ გადადგმული ნაბიჯია კომპანიის გაძლიერებისკენ.

11 შვილის დედას ნანა ლაგვილავას დედის დღე სამეგრელო-ზემო სვანეთის სახელმწიფო რწმუნებულმა მალხაზ თორიამ, მოადგილესთან ნონო ვიბლიანთან ერთად დედის დღე მიულოცა და საჩუქრები გადასცა.

CNN-მა მსოფლიოს 20 საუკეთესო წვნიანი დაასახელა. სხვადასხვა ქვეყნის ტრადიციული კერძებს შორის ქართული „ხარჩო“ მოხვდა. გამოცემის სიაშია უკრაინული ბორში, ვიეტნამური ფო, ტალანდური ტომ იამ გუნი, ესპანური გასპაჩო.

საქართველოს მთავრობა სახელმწიფო საწარმოების მასშტაბურ რეფორმას ახორციელებს. რეფორმის ფარგლებში, შეირჩა სს "საქართველოს სახელმწიფო ელექტროსისტემა", რომელიც ახლახანს გამოვიდა რეაბილიტაციის რეჟიმიდან.


ეკონომიკისა და მდგრადი განვითარების მინისტრის, ნათია თურნავას განცხადებით, "სახელმწიფო ელექტროსისტემა" მნიშვნელოვანი კომპანიაა საქართველოს ენერგოუსაფრთხოებისა და ქვეყნის მოსახლეობის უწყვეტი და ხარისხიანი ენერგომომარაგებისთვის. მისი თქმით, დღეს კომპანია ჩვეულებრივ რეჟიმში ფუნქციონირებს, რაც ძალიან დიდი, წინ გადადგმული ნაბიჯია კომპანიის გაძლიერებისკენ.

ეკონომიკისა და მდგრადი განვითარების მინისტრი ბიზნესლიდერთა ფედერაციის "ქალები მომავლისთვის" წევრებს შეხვდა და მათ სამინისტროში მიმდინარე და დაგეგმილი რეფორმები, ასევე ბიზნესის მხარდამჭერი პროგრამები გააცნო, მათ შორის პროგრამა "აწარმოე საქართველოში" ექსპორტის, ინვესტიციებისა და მეწარმეობის მიმართულებით.

აღსანიშნავია, რომ "აწარმოე საქართველოში" სხვადასხვა კომპონენტის ფარგლებში მონაწილე ქალი მეწარმეების რაოდენობა წლიდან წლამდე იზრდება და თითქმის მიუახლოვდა მთლიანი მონაწილეების 50%-ს.

შეხვედრაზე ასევე განიხილეს ის გზები და ნაბიჯები, რომელიც ბიზნესს პოსტპანდემიური კრიზისის დაძლევაში დაეხმარება.

ნათია თურნავას განცხადებით, ეკონომიკისა და მდგრადი განვითარების სამინისტროსთვის ბიზნესთან კომუნიკაცია ძალიან მნიშვნელოვანია, რათა სამინისტროს პოლიტიკა ბიზნესის ყოველდღიურ საჭიროებებზე იყოს მორგებული, რაც პოსტპანდემიურ პერიოდში განსაკუთრებით აქტუალურია.

2 მარტის მდგომარეობით, დადებითობის დღიური მაჩვენებელი არის 1,42 %, ბოლო 14 დღის განმავლობაში - 1.7%, ხოლო 7 დღის განმავლობაში კი 1.3%.

დადებითობის მაჩვენებელი ნიშნავს, ტესტირებულთა საერთო რაოდენობის რამდენ პროცენტს დაუდგინდა კორონავირუსი. როგორც მთავრობის ადმინისტრაციაში აცხადებენ, სწორედ ამ მაჩვენებელზეა დამოკიდებული იმ შეზღუდვების მოხსნა ან შემსუბუქება, რომლებიც ქვეყანაში ამ დრომდე მოქმედებს. სტაბილური ეპიდვითარების პირობებში, დადებითობის მაჩვენებელი 4%-ს არ უნდა აღემატებოდეს.

ამ დროისთვის საქართველოში კორონავირუსის 271 739 შემთხვევაა დადასტურებული. მათ შორის გამოჯანმრთელდა 265 805, გარდაიცვალა 3 541 პაციენტი.