პარაოლიმპიელი ირმა ხეცურიანის განცხადებით, მნიშვნელოვანია, რომ სპორტი მთავრობისთვის პრიორიტეტული თემაა.
ამის შესახებ მან მთავრობის სამწლიანი საქმიანობის ანგარიშის წარდგენის შემდეგ განაცხადა, რომელიც დედაქალაქის საკრებულოს შენობაში გაიმართა.
„მადლობა იმისთვის, რომ მომიწვიეს, როგორც წარმატებული პარასპორტსმენი. რა თქმა უნდა, ასეთი უშუალო დამოკიდებულება მნიშვნელოვანია. ასევე ის, რომ მათთვის არის ეს თემა მნიშვნელოვანი და პრიორიტეტული. სპორტი ჩემთვის ძირითადი და მთავარი ღერძია. შესაბამისად, მოხარული ვარ, რომ დღეს აქ ვიმყოფებოდი. მოვისმინე ბევრი საინტერესო და ჩემთვის უცნობი რამ“, - განაცხადა ირმა ხეცურიანმა.
პრემიერ-მინისტრმა ირაკლი ღარიბაშვილმა დღეს საზოგადოებას მთავრობის საქმიანობის სამწლიანი ანგარიში წარუდგინა. მან პირველ ქართველ ეტლით მოფარიკავე ქალზე, ირმა ხეცურიანზე ისაუბრა და აღნიშნა, რომ ის პარიზის მსოფლიო თასის გამარჯვებული და პარაოლიმპიელ მოფარიკავეთა შორის მსოფლიოს ვიცე-ჩემპიონია.
„ირმა აფხაზეთიდან დევნილი ოჯახიდანაა. სამწუხაროდ, უნივერსიტეტის პირველი კურსის ბოლოს მას მძიმე დიაგნოზი დაუსვეს. მკურნალობისა და ოპერაციის მიუხედავად, მოუწია უნივერსიტეტის მიტოვება, ცხოვრების წესის შეცვლა, მაგრამ ირმამ ახალი მიზნები დაისახა. დღეს იგი პარიზის მსოფლიო თასის გამარჯვებული და მსოფლიოს ვიცე-ჩემპიონია პარაოლიმპიელ მოფარიკავეთა შორის. მისი შეუპოვრობის, ყოველდღიური შრომის შედეგს ვფიქრობ, შეიძლება სასწაული ვუწოდოთ“, - განაცხადა ღარიბაშვილმა.
მთავრობის საქმიანობის ანგარიშის პრეზენტაციას თავად ირმა ხეცურიანიც ესწრებოდა.
03:57 / 04.04.2020
სოხუმი
3
-
15
°C
თელავი
-1
-
7
°C
ბათუმი
9
-
15
°C
ქუთაისი
7
-
14
°C
თბილისი
-1
-
4
°C
GBP
3.8004
RUB
4.5482
USD
2.8896
სიტყვის თავისუფლება ჩვენი უფლებაა
კვირის პოპულარული
კატეგორიის სხვა სიახლეები
არ არსებობს კონკრეტული მტკიცებულებები საიმისოდ, რომ მოსახლეობის მიერ ნიღბების ტარება რაიმე უპირატესობას შეიცავს. სინამდვილეში, პირიქით, არსებობს საპირისპირო მტკიცებულებები ნიღბების არასწორ გამოყენებასთან და არასწორ ტარებასთან დაკავშირებით- აცხადებს მსოფლიო ჯანდაცვის ორგანიზაციის აღმასრულებელი დირექტორი მაიკლ რაიანი.
ამერიკაში, ფილადელფიაში მყოფი ქართველი ექიმი, ნინო ქავთარაძე კორონავირუსისგან გამოჯანმრთელდა. დააავადება თითქმის უსიმპტომოდ მიმდინარეობდა, მან შემთხვევით გაიკეთა Covid19-ზე ტესტი და აღმოჩნდა, რომ ის დაინფიცირებული იყო. დღეს ამერიკის ერთ-ერთი ლაბორატორიიდან მიღებული პასუხით ორგანიზმში ვირუსი აღარ არის.
მართალია, საკმაოდ მაცდუნებელია, რომ სახლში კარანტინის დროს უფრო მეტ ალკოჰოლს მიეძალოთ, მაგრამ ჩიკაგოს ლოიოლას უნივერსიტეტის სამედიცინო ცენტრის ექიმი ზომიერებისკენ მოგვიწოდებს, რადგან ბევრ ალკოჰოლს შეუძლია შეამციროს ორგანიზმის ინფექციებთან ბრძოლის უნარი; რა თქმა უნდა, გამონაკლისი არც COVID-19 არ არის.
თელავში ტაქსის რამდენიმე მძღოლმა კორონავირუსთან საბრძოლველად მარტივი, იაფი და სწრაფი გზა იპოვა. მძღოლებმა საკუთარი მსუბუქი ავტომობილები მგზავრებისგან იზოლირებული გახადეს და უკანა სავარძელი პოლიეთილენის ფარდით გადატიხრეს. ტაქსის მძღოლები ამბობენ, რომ ამ ფორმით ისინი საკუთარ და სხვის ჯანმრთელობაზე ზრუნავენ.
თბილისი – ქავთარაძის ქუჩაზე სადეზინფექციო სამუშაოების ჩატარებისთვის,
„ამერიკაში მეგობრის დას ტაში დაუკრა მთელმა აფთიაქმა, როდესაც უთხრა საქართველოდან ვარო“,- ამის შესახებ მომღერალმა, ლიზა ბაგრატიონმა „პალიტრანიუსის“ სპეცპროექტ – CoViD 19 – ში განაცხადა.
ბრიტანული ტელეკომპანის Sky News-ის ინფორმაციით, გაერთიანებულ სამეფოში COVID-19-ით დაღუპლთა რაოდენობა 3 605-მდე გაიზარდა, ჯანდაცვის მსოფლიო ორგანიზაციის მონაცემებით, ჩინეთში მსხვერპლთა რაოდენობა 3 350-ს შეადგენს.
კორონავირუსის გავრცელების პრევენციისა და მოქალაქეთა უსაფრთხოების მიზნით, სადეზინფექციო საშუალებებით დედაქალაქის ქუჩების დამუშავების პროცესი გრძელდება.
თბილისის ინფექციური საავადმყოფოს დირექტორის, თენგიზ ცერცვაძის განცხადებით, თუ საქართველო პიკიდან არაუმეტეს 1000 შემთხვევით გამოვა, ეს მინიმალური დანაკარგი იქნება.
თბილისის ინფექციური საავადმყოფოს დირექტორის, თენგიზ ცერცვაძის განცხადებით, ქრისტიანული დღესასწაულების ტრადიციული ფორმით ჩატარებას, შესაძლოა, კორონავირუსით ინფიცირების შემთხვევების მნიშვნელოვანი მატება მოჰყვეს.
