რეგიონები
აჭარის შემთხვევაში შერჩეული გვქონდა ბათუმის რესპუბლიკური საავადმყოფო, როგორც მთავარი აცრის ცენტრი Pfizer-ის ვაქცინისთვის, თუმცა გუშინდელი გადაწყვეტილების შემდეგ პერიფერიულ კლინიკებში, რაიონულ დონეზე ვაქცინაცია აღარ ჩატარდება და ეს ყველაფერი ბათუმის რესპუბლიკური საავადმყოფოში გაგრძელდება, - ამის შესახებ ჯანდაცვის სამინისტროში გამართულ ბრიფინგზე მინისტრის მოადგილემ, თამარ გაბუნიამ განაცხადა.

„აჭარის შემთხვევაში შერჩეული გვქონდა ბათუმის რესპუბლიკური საავადმყოფო, როგორც მთავარი აცრის ცენტრი Pfizer-ის ვაქცინისთვის. AstraZeneca-ს ვაქცინისთვის ვაქცინაციის ჯგუფმა უპირატესობა მიანიჭა გეოგრაფიული ხელმისაწვდომობის დაცვას.
16:23 / 19.03.2021
 
აჭარის ტურიზმის დეპარტამენტი მთიან აჭარაში საოჯახო-სასტუმრო სახლებისა და კვების ობიექტების წარმომადგენლებისთვის ტრენინგებს გეგმავს. სატრენინგო პროგრამა, რომელზეც დეპარტამენტი მუშაობს საოჯახო-სასტუმრო სახლების მეპატრონეებისთვის არსებულ პირობებში ტურისტების უსაფრთხოდ მიღებას, არსებული სერვისების გაუმჯობესებას, ტურისტული პროდუქტების რეკლამასა და ონლაინსივრცეში ეფექტურად წარმოდგენის სწავლებას ითვალისწინებს.

გარდა ამისა, იგეგმება საკომუნიკაციო ინგლისური ენის მოკლე კურსის გაგრძელება საოჯახო-სასტუმრო სახლებისთვის. მოკლევადიანი კურსი ტურისტული სერვისების შეთავაზებას, გაყიდვას, მომსახურებას და სხვა იმ მნიშვნელოვან თემებს მოიცავს, რომელიც ტურისტულ ბიზნესში ჩართულ მოქალაქეებს ტურისტებთან კომუნიკაციას გაუმარტივებს. აღნიშნული კურსის წინა ეტაპები კურორტ გოდერძისა და სოფელ დანისპარაულში მდებარე სასტუმროების, საოჯახო-სასტუმრო სახლებისა და კვების ობიექტების წარმომადგენლებმა გაიარეს.
16:17 / 19.03.2021
 
მცხეთა-მთიანეთის მხარის სახელმწიფო რწმუნებული დავით ნოზაძე, პირველ მოადგილესთან, მაცაცო ნარიმანიძესთან ერთად დუშეთის მუნიციპალიტეტის სოფელ ბაგის, ლაზვიაანთკარისა და საშაბუროს მოსახლეობას შეხვდა. მოსახლეობასთან შეხვედრას, დუშეთის მუნიციპალიტეტის მერი ზურაბ სეხნიაშვილი მოადგილეთან, ბესიკ ბიჩნიგაურთან ერთად ესწრებოდა.

სახელმწიფო რწმუნებულმა, ადგილობრივი მცხოვრებლებისგან სოფლებში არსებული საჭიროებების შესახებ პირადად მოისმინა და მათთან ერთად გადაჭრის გზებზე იმსჯელა.

დავით ნოზაძის განცხადებით, ზემოაღნიშნულ სოფლებში ძირითადი ინფრასტრუქტურული პრობლემები მოგვარებულია. თუმცა, გამოწვევები კვლავ არსებობს, რაც ეტაპობრივად უნდა მოგვარდეს.

სოფელ ბაგისა და ლაზვიაანთკარის მოსახლეობა მთის სტატუსით სარგებლობს, რაც ბევრ სხვა სიკეთესთან ერთად, გაზრდილ პენსიასა და კომუნალურ გადასახადებზე შეღავათებს გულისხმობს.


18:32 / 17.03.2021
 
ჩატარებული გაწმენდითი სამუშაოების შედეგად, გუდაური-კობის მონაკვეთზე მისაბმელიანი ავტოტარნსპორტის მოძრაობა აღდგა. ამ დროისთვის, საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის გუდაური(ფოსტა)-კობის მონაკვეთზე ყველა სახის ავტოტრანსპორტის მოძრაობა თავისუფალია, - ამის შესახებ ინფორმაციას საავტომობილო გზების დეპარტამენტი ავრცელებს.
15:05 / 16.03.2021
 
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გიორგი წოწკოლაური, დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ბესარიონ სიმონიშვილი და საქართველოს განათლების, მეცნიერების, კულტურისა და სპორტის მინისტრის მოადგილე თამარ ქიტიაშვილი წინამძღვრიანთკარში მცხოვრებ დევნილ ოჯახებს შეხვდნენ.

ილია წინამძღვრიშვილის სახელობის კოლეჯის ყოფილი საერთო საცხოვრებლის კორპუსებში მცხოვრები დევნილები, წლებია, კუთვნილი ფართების დაკანონებას ითხოვენ, თუმცა პროცესი დღემდე ჭიანურდებოდა.
17:35 / 15.03.2021
 
აგრარულ საკითხთა კომიტეტის წევრებმა მცხეთაში კოოპერატივების წარმომადგენლებთან გასვლითი შეხვედრა გამართეს, სადაც მცხეთა-მთიანეთის, შიდა ქართლის, ქვემო ქართლის და სამცხე-ჯავახეთის რეგიონებში არსებული კოოპერატივების წარმომადგენლები მონაწილეობდნენ.

შეხვედრაში რეგიონების დაახლოებით 60-მდე კოოპერატივის წარმომადგენლები მონაწილეობდნენ. კოოპერატივების უმრავლესობა მეცხოველეობის, მეფუტკრეობის და მევენახეობის სფეროებს წარმოადგენდნენ.

შეხვედრაზე, რომელიც საქართველოს რეგიონებში „სასოფლო-სამეურნეო კოოპერატივის შესახებ“ კანონის აღსრულების კონტროლის მიზნით შექმნილი მოკვლევის ჯგუფის საქმიანობის ფარგლებში გაიმართა, ისაუბრეს კოოპერატივების წინაშე მდგარ პრობლემებზე. ყურადღება განსაკუთრებით იმ საკითხებზე გამახვილდა, რომელთა გადაუწყვეტლობა ხელს უშლის კოოპერატივებს მათ საქმიანობაში. კოოპერატივების წარმომადგენელთა განცხადებით, მეფუტკრეების პრობლემები პროდუქტის რეალიზაციას უკავშირდება, მეცხოველეებს საძოვრების პრობლემა და მიწის იჯარით გადაცემა აწუხებს. რამდენიმე კოოპერატივის წარმომადგენელმა მოქმედი კანონის დახვეწა და მასში ცვლილებების შეტანა მოითხოვა.
17:15 / 15.03.2021
 
შინაგან საქმეთა სამინისტროს სსიპ დაცვის პოლიციის დეპარტამენტი სამთო კურორტების უსაფრთხოების დაცვას უზრუნველყოფს. დაცვის პოლიციის თანამშრომლები გუდაურსა და ბაკურიანში არსებულ ტურისტულ ზონებში, საბაგიროებთან ტურისტების ნაკადის და სოციალური დისტანციის რეგულირებას ახორციელებენ.
დაცვის პოლიცია სამთო კურორტებზე კორონავირუსის გავრცელების პრევენციის მიზნით ჯანდაცვის სამინისტროს მიერ მოწოდებული რეკომენდაციების შესაბამისად მოქმედებს.
14:15 / 15.03.2021
 
შატილში, სკოლა-პანსიონის დამხმარე, ცალკე მდგომი შენობის ხანძრის შედეგად არავინ დაშავებულა.

საქართველოს განათლების, მეცნიერების, კულტურისა და სპორტის სამინისტროს ინფორმაციით, მოსწავლეები და მასწავლებლები უვნებლად არიან და სასწავლო პროცესი გრძელდება.

"სკოლის შენობაში ყოფნა ამ ეტაპზე საფრთხეს აღარ წარმოადგენს. ხანძარი სასადილოს შენობაში დღეს დილით გაჩნდა და იყო სკოლის ძირითად შენობაზე გავრცელების საფრთხე. სასაზღვრო პოლიციის თანამშრომლებისა და ადგილობრივი მოსახლეობის ძალისხმევის შედეგად სკოლის ძირითადი შენობის გადარჩენა მოხერხდა.
12:59 / 15.03.2021
 
დევნილთა, ეკომიგრანტთა და საარსებო წყაროებით უზრუნველყოფის სააგენტო დევნილ ვეტერანთა ოჯახებს ქუთაისში, ახალაშენებულ კორპუსებში 60 ბინას გადასცემს.
სააგენტოს დირექტორის ბესარიონ სიმონიშვილის განცხადებით, მონიტორინგს 191 ოჯახი დაექვემდებარება.
"ამ ეტაპზე, მონიტორინგის ჯგუფები ყველა იმ ოჯახის საცხოვრებელ პირობებს შეისწავლიან, რომლებსაც მინიჭებული აქვთ 5 ან მეტი ქულა. მონიტორინგის მუშაობის დასრულების შემდგომ, კომისია თითოეული ოჯახის საკითხს ინდივიდუალურად განიხილავს. ვეტერან დევნილთა ოჯახებს განსახლების სხვადასხვა პროგრამებში მონაწილეობა ამ დრომდეც შეეძლოთ, თუმცა ქვეყნის წინაშე მათი დამსახურების გათვალისწინებით, სააგენტო მათთვის სპეციალურ პროექტს ახორციელებს", - განაცხადა ბესარიონ სიმონიშვილმა.
დევნილ ვეტერანთა ოჯახებისთვის მინიჭებული ქულები სააგენტოს ოფიციალურ ვებგვერდზე უკვე გამოქვეყნდა.

12:22 / 15.03.2021
 
ზუგდიდში COVID-19-ის საწინააღმდეგო ვაქცინით აცრა დილიდან დაიწყო. ზუგდიდის ჯანდაცვის ცენტრის ხელმძღვანელი ნანა ოდიშარია და ზუგდიდის რეფერალური საავადმყოფოს ხელმძღვანელი ნიკა ჭეჟია იყვნენ ერთ-ერთი პირველები, ვინც ვაქცინა მიიღეს.

ექიმები თავიანთ კოლეგებს მოუწოდებენ, გაიარონ რეგისტრაცია და აიცრან კორონავირუსზე. სამედიცინო სფეროში დასაქმებულ პირებს ვაქცინის გაკეთება ზუგდიდის რეფერალურ ჰოსპიტალსა და „ევექსის" კლინიკაში დღეიდან შეუძლიათ. სამედიცინო პერსონლის ვაქცინაცია სპეციალურ ონლაინ პლატფორმაზე რეგისტრაციის მიხედვით მიმდინარეობს. ამ დროისთვის, ზუგდიდში 40 ექიმია რეგისტრირებული.
12:11 / 15.03.2021
 
კალენდარი
ორ სა ოთ ხუ პა შა კვ
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
×