ღარიბაშვილმა მოირგო საგარეო კოსტიუმი, გამოვიდა გაერო-ში და იძახის ევროკავშირი გვინდა, ამერიკა გვინდა, მერე ჩამოვა, ამ კოსტიუმს გადაიცვამს მეორე მხრიდან, წითელი კოსტიუმით დაგვიდგება, აქ მჯდარი ოთხეულის სახით და მერე ამერიკას და ევროკავშირს ლანძღავს,- ამის შესახებ „ნაციონალური მოძრაობის“ წევრმა რომან გოცირიძემ საშემოდგომო სესიის პლენარულ სხდომაზე გამოსვლისას განაცხადა.
მისი თქმით, ღარიბაშვილმა გაერო-ში სიტყვით გამოსვლისას ტყუილების კორიანტელი დააყენა და ის ინდექსები და რეიტინგები არ ახსენა, რომელიც საქართველოს ხელისუფლების რეალურ სახეს აჩვენებს.
„თუ ასეთი კარგი პროგრამა იყო სოციალურად დაუცველების დასაქმება, გაეროს ტრიბუნიდან რატომ არ ახსენა ღარიბაშვილმა?! იმდენი ტყუილების კორიანტელი რომ დააყენა, ერთი ეს პროგრამაც ეთქვა და აეფარებინა ცხვირწინ. 2 რამ გამორჩა, მაგრამ დარწმუნებული ვარ იტყოდა, დრო რომ ჰყოფნოდა - ხომ იცით, ძალიან მკაცრი რეგლამენტია და ვერ ჩაეტია. ერთი, რომ აი, თურმე რა პროგრამა გვაქვს და მეორე, ვერ მოასწრო იმის თქმა იორდანიაში რომ დავბრუნდით 300 წლის შემდეგ და იორდანიაში რომ ხიდაშელი სასტუმროს ააშენებს, მთავრობა პატარა ეკლესიას მიუშენებს და რაღაც სულიერ ტურისტულ ცენტრს გახსნიან. აი, ამ ორის მეტი ყველაფერი ილაპარაკა. დაახვავა სიცრუის კორიანტელი - დემოკრატიის ინდექსი ახსენა, ოღონდ არ თქვა ინდექსში რომ უკან მივდივართ და ჰიბრიდული დემოკრატიების სახელმწიფოში გადავვარდით. პრესის თავისუფლება ახსენა და ყველა ბოლო რეიტინგში მივდივართ და მივდივართ უკან, განსაკუთრებით ბოლო 5 წლის განმავლობაში. ახსენა ერთი -ორი რეიტინგი, სადაც მართლა წინ ვართ და მთელ მსოფლიოს ეუბნება - თქვენზე უკეთესები ვართ - ამერიკას ეუბნება, შვეიცარიას, არადა რომ არა ამერიკა და ევროკავშირი, დღეს ეს ქვეყანა არ იარსებებდა და შიმშილი იქნებოდა აქ. მაგრამ არ ახსენა, რომ ჩვენ ვართ 107-ე ადგილზე ბედნიერების ინდექსში, მსოფლიოს 149 ქვეყანაში იზომება და ყველაზე უბედურ სახელმწიფოებს შორის ვართ ქართველები სხვადასხვა მაჩვენებლებით. 10 წელია აუბედურებთ ქვეყანას და თუ ასეთი უნარი გვქონდა, რატომ არ გავაბედნიერეთ ეს ხალხი და რატომ არ ახსენებთ იმ ინდექსებს, სადაც რეალურად ჩანს მართლა თქვენი სახე. რადგან ღარიბაშვილის სიცრუე ვახსენე, მოირგო საგარეო კოსტიუმი, გამოვიდა გაეროში და იძახის ევროკავშირი გვინდა, ამერიკა გვინდაო, მერე ჩამოვა, ამ კოსტიუმს გადაიცვამს მეორე მხრიდან, წითელი კოსტიუმით დაგვიდგება, აქ მჯდარი ოთხეულის სახით და მერე ამერიკას და ევროკავშირს ლანძღავს. სხვათა შორის ეს ხალხი [ე.წ . ოთხეული] გადასვით იქით რა - ხომ ისხდნენ კაჭრეთში თქვენთან, რატომ ანაგვიანებენ ამ სივრცეს?! გადასვით ოპოზიციური ფლანგიდან უმრავლესობის ფლანგზე, არავინ არ ჭამს მაგას ისედაც, ყველამ იცის ვინ რა არის!“- განაცხადა რომან გოცირიძემ.
11:10 / 21.03.2023
სოხუმი
23
-
32
°C
თელავი
18
-
31
°C
ბათუმი
23
-
31
°C
ქუთაისი
24
-
36
°C
თბილისი
18
-
32
°C
GBP
4.2911
RUB
3.2024
USD
3.2054
სიტყვის თავისუფლება ჩვენი უფლებაა
-
რეკლამის განსათავსებლად დაუკავშირდით კომპანია "ედ გიქს"557 31 99 55
info@adgeeks.geინფორმაცია სარეკლამო ზონების შესახებ იხილეთ აქ.
კვირის პოპულარული
კატეგორიის სხვა სიახლეები
პრემიერ-მინისტრი ირაკლი ღარიბაშვილი ჟურნალისტებს და მედიასაშუალებების თანამშრომლებს ქართული ჟურნალისტიკის დღეს ულოცავს.
ბოლშევიკური „ტროიკა“ ხოშტარია-ჯაფარიძე-ვაშაძე დღენიადაგ დადიან იმისთვის, რომ ქვეყანას სახელი გაუფუჭონ და არ მივიღოთ სტატუსი, ერთადერთი რასაც აკეთებენ არის ეს,- ამის შესახებ საპარლამენტო უმრავლესობის წევრმა, ნინო წილოსანმა საზოგადოებრივი მაუწყებლის ეთერში განაცხადა.
აქამდე ოპოზიციის დიდი გაერთიანების ყველა მცდელობა კრახით დასრულდა და ახლაც ასე დასრულდება, – ამის შესახებ პარტია „მოქალაქეების“ ლიდერმა, ალეკო ელისაშვილმა საქართველოს პირველ არხს გიორგი მარგველაშვილის განცხადებასთან დაკავშირებით განუცხადა.
ჩვენს წერილში აშკარა ფაქტებია მოყვანილი, – აცხადებს „ხალხის ძალის“ წევრი, ეკა სეფაშვილი, საზოგადოებრივი მოძრაობის მიერ დღეს გამოქვეყნებული განცხადების შესახებ დასმული კითხვის პასუხად.
ვაშაძის, ჯაფარიძისა და ხოშტარიას ბოლშევიკური „ტროიკა“ როდესაც ბრიუსელის დერეფნებში დადის და, პრაქტიკულად, ყველა კარზე აკაკუნებს, როგორმე საქართველომ არ მიიღოს კანდიდატის სტატუსი, ამას ერთადერთი მიზანი აქვს, რომ უარს თუ გვეტყვიან, ამ შემთხვევაში ხალხის აღშფოთება გამოიწვიონ და რაც ვერ შეძლეს მარტის დღეებში, ის შეძლონ შემოდგომაზე, – ამის შესახებ „ხალხის ძალის“ ერთ-ერთმა ლიდერმა, სოზარ სუბარმა გადაცემაში „პოლიტიკური პოსტი იოანე შაიშმელაშვილთან“ განაცხადა.
დღევანდელი ინფორმაცია, რაც იუსტიციის მინისტრმა გააჟღერა არის მოკლეფეხებიანი, ერთსაათიანი ტყუილი, რომელიც მტკიცდება მისივე უწყებისგან მიღებული დასკვნით, რომ განცხადება რეგისტრირებული არის იუსტიციის სამინისტროში, – ამის შესახებ „ნაციონალური მოძრაობის“ წევრმა, გიორგი ჩალაძემ განაცხადა.
ნატოს „პარტნიორობა მშვიდობისათვის" პროგრამის (PFP) ფარგლებში სამთო მომზადების ზამთრის საბაზისო კურსი დასრულდა. ნატოს წევრი და არაწევრი 6 ქვეყნის 25 სამხედრო მოსამსახურე სამთო მომზადებას სამი კვირის განმავლობაში ბაკურიანში გადიოდა.
კიდევ ერთხელ გადავამოწმე და მინდა თამამად გითხრათ, რომ 13:00 საათის მდგომარეობით, არ ყოფილა არც მიხეილ სააკაშვილის, არც მისი ოჯახის მხრიდან რაიმე განცხადება, რომლის მიხედვითაც გვთხოვდნენ, რომ მიხეილ სააკაშვილის მკურნალობაში ჩართულიყვნენ უცხოელი ექიმები , - ამის შესახებ იუსტიციის მინისტრმა, რატი ბრეგაძემ მთავრობის სხდომის დასრულების შემდეგ გამართულ ბრიფინგზე განაცხადა.
ჯანდაცვის მინისტრის, ზურაბ აზარაშვილის განცხადებით, მიხეილ სააკაშვილთან პოლონელი ექიმების შეშვებასთან დაკავშირებით ჯანდაცვის სამინისტროში არანაირი განაცხადი არ შესულა. მისი განმარტებით, ასეთი მოთხოვნის შესვლის შემთხვევაში უწყება მას ოპერატიულად განიხილავს და შესაბამისის დოკუმენტაციის არსებობის პირობებში ჯანდაცვის სამინისტრო დასტურს გასცემს. აღნიშნულის შესახებ მინისტრმა მთავრობის სხდომის დასრულების შემდეგ ჟურნალისტის კითხვის საპასუხოდ განაცხადა.
მიმდინარე სასესიო კვირაში პარლამენტი ირაკლი ღარიბაშვილს, ილია დარჩიაშვილს და ლაშა ხუციშვილს მოუსმენს
ბიუროს დღევანდელ სხდომაზე პარლამენტის თავმჯდომარე შალვა პაპუაშვილმა მიმდინარე კვირის განრიგი ბიუროს წევრებს გააცნო. მიმდინარე სასესიო კვირის სამშაბათს, ტრადიციულად, პოლიტიკური განცხადებები გაიმართება, რომლის შემდეგ დღის წესრიგით გათვალისწინებულ კანონპროექტებს განიხილავენ.
