დაავადებათა კონტროლის ეროვნული ცენტრი მოსალოდნელ მაღალ ტემპერატურასთან დაკავშირებით მოსახლეობას რეკომენდაციებს აძლევს
დაავადებათა კონტროლის ეროვნული ცენტრი მოსალოდნელ მაღალ ტემპერატურასთან დაკავშირებით მოსახლეობას რეკომენდაციებს აძლევს
კატეგორიის სხვა სიახლეები
საქართველოს პარლამენტის წევრი, თამარ ტალიაშვილი ზღვისუბანში მაცხოვრებელ სოციალურად დაუცველ ოჯახს პირადად ესტუმრა, დედის დღე მიულოცა და პირველადი მოხმარების საგნებისა და სამედიცინო პროდუქციის შესაძენად ვაუჩერები გადასცა.

,,მიმაჩნია, რომ 3 მარტი მნიშვნელოვანი თარიღია, რადგან დედობა განსაკუთრებული პასუხისმგებლობაა.
ჩემი საქმიანობის ყველა ეტაპზე, ჩემთვის პრიორიტეტული იყო სახელმწიფო და მუნიციპალური პროგრამების ხელშეწყობა, რომელიც მიმართულია ქალების და დედების სოციალური და ეკონომიკური გაძლიერების, ასევე მათი საქმიანობისა და საცხოვრებელი გარემოს გაუმჯობესებისკენ."-განაცხადა თამარ ტალიაშვილმა
14:10 / 03.03.2021
საქართველოს საგარეო საქმეთა მინისტრი თავის თურქ კოლეგა მევლუთ ჩავუშოღლუს ხვდება. შეხვედრის ფოტო დავით ზალკალიანმა Twitter-ზე გამოქვეყნდა.

„მადლობას ვუხდი ჩემს მეგობარსა და კოლეგა მევლუთ ჩავუშოღლუს გულითადი დახვედრისთვის. ჩვენ უნდა განვიხილოთ ორმხრივი ურთიერთობების, საქართველოსა და თურქეთს შორის განვითარებადი მეგობრობისა და სტრატეგიული პარტნიორობის საკითხები“, - წერს ზალკალიანი.
14:00 / 03.03.2021
ოპოზიციონერი დეპუტატის, ლევან იოსელიანის განცხადებით, "ნაციონალური მოძრაობის" თავმჯდომარის ნიკა მელიას ციხეში ჯდომა არა მხოლოდ ერთი პარტიის, არამედ ქვეყნის პრობლემაა.

როგორც ჟურნალისტებს იოსელიანმა განუცხადა, გირაოს გადაუხდელობის გამო პოლიტიკოსებს ციხეში არ უშვებენ და შესაძლებელი იყო, პროცესი პარლამენტში შეჩერებულიყო.

"შეგვეძლო, ეს პროცესი პარლამენტში შეგვეჩერებინა. გირაოს გამო პოლიტიკოსებს ციხეში არ უშვებენ და ხომ ვიცოდით, ამას რა შედეგი მოჰყვებოდა? – ქვეყანა ამ შედეგისგან უნდა დაგვეზღვია. დღეს კიდევ უფრო რთულია მოლაპარაკება, ვიდრე ორი კვირის წინ იყო. როცა რაღაც გადაწყვეტილებას იღებ, უნდა გესმოდეს, ამას რა შედეგი მოჰყვება ქვეყნისთვის, რადგან ნიკა მელიას ციხეში ჯდომა არ არის მხოლოდ ერთი პარტიის პრობლემა, ეს არის ქვეყნის პრობლემა ბრიუსელში შეხვედრის წინ, სადაც ქვეყნის ინტერესები უნდა განხორციელდეს. პოლიტიკა არ კეთდება სიყვარულით და სიძულვილით.
13:15 / 03.03.2021
ნებისმიერი პოლიტიკური პარტიის ოფისზე რაიმე სახის თავდასხმა აბსოლუტურად მიუღებელია და იმავე საღამოს, როცა ეს ფაქტი მოხდა, პოლიციამ შესაბამისი ღონისძიებები გაატარა, – ამის შესახებ პარლამენტის საპროცედურო საკითხთა კომიტეტის თავმჯდომარე ირაკლი ქადაგიშვილმა განაცხადა, რომლითაც "ნაციონალური მოძრაობის" ოფისის დაზიანების ფაქტს გამოეხმაურა.

მისივე თქმით, "ქართული ოცნებისა" და სახელმწიფოს ინტერესებში არანაირად არ არის რომელიმე პარტიის ოფისის დარბევა.

"თავდამსხმელები დაკავებული არიან, გამოძიება მიმდინარეობს და დამნაშავეები დაისჯებიან. "ქართული ოცნებისა" და სახელმწიფოს ინტერესებში არანაირად არ არის რომელიმე პარტიის ოფისის დარბევა, ეს ხომ კონტრპროდუქტიულია მმართველი პარტიისთვის და ე.წ. რადიკალური ოპოზიციისთვის სპეკულაციის საგანი ხდება. ამიტომ ნუ ვეძებთ შავ კატას შავ და ბნელ ოთახში, ამას არავითარი კავშირი არ შეიძლება ჰქონდეს მმართველ პარტიასთან, პრემიერ-მინისტრთან და ა.შ.", – აღნიშნა ირაკლი ქადაგიშვილმა.

გორში "ერთიანი ნაციონალური მოძრაობის" ოფისის დაზიანების ფაქტზე პოლიციამ ოთხი პირი დააკავა.
13:11 / 03.03.2021
არ მინდა შეთქმულების თეორიები, მაგრამ ფაქტია, არ ვიმუშავეთ. ამაზე ვიღაცამ უნდა აგოს პასუხი", - ამის შესახებ ჯანდაცვის ექსპერტმა, "ლელოს" წევრმა ვატო სურგულაძემ "ინტერპრესნიუსთან" საუბრისას განაცხადა.

როგორც ვატო სურგულაძე განმარტავს, საქართველომ არასაკმარისად იმუშავა იმისთვის, რომ საქართველოში ვაქცინაცია დათქმულ ვადებში დაწყებულიყო.

"არ იმუშავეს, არ იყო ის მოწოდება და მუშაობის ტემპი, სურვილი და პოლიტიკური ნება, რომ ეს გაგვეკეთებინა. არ ვიცი ეს რატომ ხდება, არ მინდა შეთქმულების თეორიები, მაგრამ ფაქტია, არ ვიმუშავეთ. ამაზე ვიღაცამ უნდა აგოს პასუხი.
12:34 / 03.03.2021
"ნაციონალური მოძრაობის" წევრის, ნიკა ობოლაძის განცხადებით, ოპოზიციის გუშინდელი აქციაც მშვიდობიანი იყო, თუმცა შემდეგში პროტესტი იქნება კიდევ უფრო ფრთხილი, რათა ხელისუფლებას სპეკულირების სივრცე არ დაუტოვონ.

"გუშინდელი აქციაც აბსოლუტურად მშვიდობიანი იყო, არ ისახავდა მიზნად ადამიანებისთვის გადაადგილების შეზღუდვას, უბრალოდ, ჩვენ დამატებით ვეცდებით, ხელისუფლებას მოვუსპოთ ყველანაირი საბაბი იმის თქმის, რომ ოპოზიცია არის არაკონსტრუქციული. ახლა, როცა ვართ ქვეყნის განვითარების ძალიან მნიშვნელოვან ეტაპზე, ჩვენ უნდა გადავწყვიტოთ, მივდივართ ევროპისკენ, ვიღებთ ევროპის დაინტერესებას და მათ მედიაციას, ფუნდამენტურად ვხდებით ევროპის ნაწილი, თუ არა. ჩვენთვის არ არის მისაღები, დავტოვოთ რამე სივრცე, რომ ხელისუფლებამ ამით ისპეკულიროს. შემდეგ ში ჩვენი პროტესტი იქნება კიდევ უფრო ფრთხილი, მხოლო და მხოლოდ იმიტომ, რომ არ დავუტოვოთ ხელისუფლებას სპეკულირების სივრცე", – აღნიშნა ნიკა ობოლაძემ.
12:26 / 03.03.2021
იმისთვის, რომ თავიდან ავიცილოთ რაიმე პროვოკაცია, მივიღეთ ასეთი ზომა, დავგეგმოთ ისეთი აქციები, რომ რაც შეიძლება ნაკლებ კონტაქტში შევიდეთ პოლიციასთან და ხელისუფლებასთან, , - ამის შესახებ "სტრატეგია აღმაშენებლის" წევრმა, პაატა მანჯგალაძემ "რუსთავი 2"-ის ეთერში განაცხადა.

"თუ ადრე ვფიქრობდით პიკეტირებაზე და მისი აზრი იყო ყურადღების მიქცევა, ხმის გაგონება ხელისუფლებისთვის, გადავალთ მანიფესტაციაზე ტრანსპარანტებით, ქუჩაში ავტომობილებით მოძრაობაზე, საყვირის ხმის გაგონებაზე ხელისუფლებისთვის და ა.შ",- განაცხადა პაატა მანჯგალაძემ.

გეგმებზე ჩამოსაყალიბებლად დღეს გაერთიანებული ოპოზიცია "ნაციონალური მოძრაობის" ოფისში შეიკრიბება
12:13 / 03.03.2021
საუბნო საარჩევნო კომისიების შემადგენლობა 7 წევრით განისაზღვრება, რომელთაც შესაბამისი საოლქო საარჩევნო კომისია სიითი შემადგენლობის უმრავლესობით აირჩევს, იმ პირობით, თუ მხარს დაუჭერს, მათ შორის საოლქო საარჩევნო კომისიაში ცესკოს მიერ 5 წლის ვადით არჩეული 3 წევრი მაინც.

საუბნო საარჩევნო კომისიების დაკომპლექტების ასეთი წესი "საარჩევნო კოდექსში" დაგეგმილი ცვლილბებით შემოდის, რომელიც სამუშაო ჯგუფის ფარგლებში მომზადდა და ინიცირებისთვის პარლამენტს უკვე წარედგინა.

პოლიტიკური პარტიის მიერ საუბნო საარჩევნო კომისიაში დანიშნულ წარმომადგენელს ეძლევა საუბნო საარჩევნო კომისიის წევრისთვის განსაზღვრული შრომის ანაზღაურება, თუ არსებობს ერთ-ერთი პირობა: - პარტია ცესკოს თავმჯდომარის მიერ რეგისტრირებული იყო საპარლამენტო არჩევნებში მონაწილეობის მიზნით და მიეკუთვნა პარლამენტის წევრის მანდატი; პარტიას ეკუთვნის საბიუჯეტო დაფინანსება და ჰყავს პარლამენტის სულ მცირე ერთი წევრი, რომელიც პარლამენტის წევრის უფლებამოსილებას ახორციელებს.
12:09 / 03.03.2021
ვფიქრობ, საქართველო-თურქეთის ურთეირთობაებში მნიშვნელოვანი პერიოდია, გამომდფინარე იქიდან, რომ რეგიონში ბოლო პერიოდში განვითარებული მოვლენები საჭიროებს დაუყოვნებლივ მჭიდრო კოორდინაციას და ორივე მხრიდან პოზიციების შეჯერებას, – ამის შესახებ საქართველოს საგარეო საქმეთა მინისტრმა დავით ზალკალიანმა განაცხადა.

მისივე თქმით, თურქეთი საქართველოს მხარდამჭერი და მთავარი სტრატეგიული პარტნიორია. ამასთან, როგორც ზალკალიანმა განაცხადა, თურქეთში ოფიციალური ვიზიტის ფარგლებში განსახილველ საკითხებს შორის შავი ზღვის რეგიონში, ასევე მის მიღმა თანამშრომლობა და საქართველოს, როგორც დამაკავშირებელი ქვეყნის ფუნქციის ხაზგასმა იქნება.

გარდა ამისა, ზალკალიანის თქმით, საქართველოსა და თურქეთს საერთო გამოწვევები აქვს როგორც პანდემიის დამარცხების, ასევე ეკონომიკური რეაბილიტაციის თვალსაზრისით.
11:52 / 03.03.2021
"საარჩევნო კოდექსში" დაგეგმილი ცვლილებების პროექტის საბოლოო ვარიანტით, ცესკოს და საოლქო კომისიების წევრთა რაოდენობა 17-მდე იზრდება და 8-პროფესიული და 9-პარტიული წევრის პრინციპით დაკომპლექტდება.

საარჩევნო ადმინისტრაციის ამგვარად დაკომპლექტების წესი ასახულია პროექტში, რომელიც სამუშაო ჯგუფის ფარგლებში მომზადდა და ინიცირებისთვის პარლამენტს უკვე წარედგინა.

ცესკო შემადგენლობა 17 წევრისგან განისაზღვრება, რომელთა შორის არის ცესკოს თავმჯდომარე. ცესკოს 8 წევრს პრეზიდენტის წარდგინებით პარლამენტი აირჩევს, ხოლო 9 წევრს პარტიები დანიშნავენ.

ამავე პროექტით, პროფესიული ნიშნით ცესკოს წევრობის 8 კანდიდატი ღია კონკურსის წესით შეირჩევა. პრეზიდენტი ცესკოს წევრის უფლებამოსილების ვადის გასვლამდე არაუგვიანეს 30 დღისა, ხოლო ცესკოს წევრის უფლებამოსილების ვადამდე შეწყვეტის შემთხვევაში მისი უფლებამოსილების ვადამდე შეწყვეტიდან არაუგვიანეს 15 დღისა გამოსცემს განკარგულებას, კონკურსის ჩატარებისა და საკონკურსო კომისიის შექმნის შესახებ. საკონკურსო კომისია უნდა შედგებოდეს საქართველოში დარეგისტრირებული იმ არასამეწარმეო (არაკომერციულ) იურიდიულ პირების წარმომადგენლებისგან, რომლებსაც აქვთ არჩევნებზე დაკვირვების არანაკლებ 3-წლიანი გამოცდილება.
11:45 / 03.03.2021
კალენდარი
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
×