საპარლამენტო უმრავლესობის წევრის, რატი იონათამიშვილის თქმით, სანქციებზე საუბარი უხერხულ მდგომარეობაში აყენებს ამ ადამიანებს, ვინაიდან ამდენი ხნის განმავლობაში საქართველოს დამაზიანებელი ვერაფერი დადეს და ვერ დადებენ, იმიტომ რომ ასეთი რამ ბუნებაში არ არსებობს. ასე გამოეხმაურა ის უკრაინის პრეზიდენტის მრჩევლის, მიხაილო პოდოლიაკის განცხადებას, რომ საქართველომ უნდა აირჩიოს - კაციჭამიებს უჭერს მხარს თუ თავისუფლებას.

სამწუხაროდ, ჩვენ გვყავს ხელისუფლება, რომელიც არათუ თანამშრომლობს რუსეთთან, არამედ პირდაპირ კრემლის ფილიალია გახსნილი საქართველოში „ქართული ოცნების“ სახით, - ამის შესახებ „სტრატეგია აღმაშენებლის“ წევრმა სერგო ჩიხლაძემ უკრაინის პრეზიდენტის მრჩევლის, მიხაილო პოდოლიაკის განცხადების შეფასებისას ჟურნალისტებს განუცხადა.

პოდოლიაკისნაირი ავყია ადამიანების ნაჭორავებს, შეძახილს თუ წამოძახილს ყურადღებას არ მივაქცევთ - გამოაქვეყნონ მტკიცებულებები, მეოთხე თვეა ველოდები, - ამის შესახებ საპარლამენტო უმრავლესობის წევრმა გია ცაგარეიშვილმა განაცხადა.

თბილისის საკრებულოში მიმდინარე სხდომაზე გარემოს დაცვის კომისიის თავმჯდომარე ნიკოლოზ კახეთელიძე დედაქალაქის ნაძალადევის და დიდუბის რაიონებში მრავალფუნქციური კომპლექსის განაშენიანების რეგულირების გეგმის პროექტთან დაკავშირებით ოპოზიციის ბრალდებებს გამოეხმაურა. როგორც საკრებულოს უმრავლესობის წევრმა განაცხადა, აღნიშნულ საკითხს კომპლექსური მიდგომა და შესაბამისი ცოდნა სჭირდება. ნიკოლოზ კახეთელიძის თქმით, ოპოზიციას საკითხი შესწავლილი არ აქვს და პროტესტს მხოლოდ პოლიტიკური მოსაზრებების გამო გამოთქვამს.

თავდაცვის სამინისტრო სიცრუეს უწოდებს გავრცელებულ ინფორმაციას, „თითქოს, საქართველოს თავდაცვის სამინისტრომ რუსეთის ფედერაციის სპეცსამსახურებს თადარიგის ოფიცრების პირადი საქმეები მიჰყიდა“.

არავინ არ გთხოვთ უკრაინის გულისთვის მიიღოთ ესა თუ ის გადაწყვეტილება - თქვენ უნდა აირჩიოთ მხარს უჭერთ კაციჭამიებს თუ თავისუფლებას, აქ არ არსებობს რუხი ტონები,- ამის შესახებ უკრაინის პრეზიდენტის მრჩეველმა მიხაილო პოდოლიაკმა „ამერიკის ხმის“ ქართული რედაქციისთვის მიცემულ ინტერვიუში განაცხადა.

დიმიტრი ხუნდაძე აგვისტოს ომზე - პოლიტიკა შეცდომებს არ გვპატიობს
დიმიტრი ხუნდაძე აგვისტოს ომზე - პოლიტიკა შეცდომებს არ გვპატიობს
პოლიტიკა შეცდომებს არ გვპატიობს, - ამის შესახებ პარლამენტის დამოუკიდებელი დეპუტატი დიმიტრი ხუნდაძე 2008 წლის აგვისტოს რუსეთ-საქართველოს ომთან დაკავშირებით გავრცელებულ განცხადებაში წერს.

დამერწმუნეთ ირაკლი ღარიბაშვილმა ძალიან კარგად იცის საქართველოს ისტორია - ის არის ერთ-ერთი ყველაზე ღირსეული ადამიანი, რომელსაც ვიცნობ და შესაბამისად, მსგავსი ტიპის ბრალდება, თითქოს მან რამე განცხადება შეგნებულად გააკეთა ან ა.შ. არის ყოვლად დაუშვებელი, - ამის შესახებ საქართველოს იუსტიციის მინისტრმა რატი ბრეგაძემ ჟურნალისტებთან განაცხადა, რითაც უპასუხა ოპოზიციისა და საზოგადოების ნაწილის კრიტიკასთან დაკავშირებით დასმულ კითხვას, რომელიც საქართველოს პრემიერ-მინისტრის, ირაკლი ღარიბაშვილის მიერ სოციალურ ქსელში გამოქვეყნებულ განცხადებას, „14 წელია ჩვენი ქვეყნის გული - სამაჩაბლო, ცხინვალის რეგიონი და აფხაზეთი რუსეთის მიერ არის ოკუპირებული” , მოჰყვა.

ამერიკის შეერთებული შტატების სახელმწიფო მდივნის ენტონი ბლინკენის განცხადებით, თუ რუსეთს მიეცემა უკრაინის ბულინგის, უკრაინაში შეჭრისა და ტერიტორიების მითვისების უფლება, წინააღმდეგობის გაწევის გარეშე, ამით „სეზონი გახსნილი“ იქნება მთელი მსოფლიოს მასშტაბით.