პროკურატურამ ბიზნესმენ ავთანდილ წერეთელს საზღვარგარეთ მკურნალობისთვის ქვეყნიდან გასვლის უფლება მისცა. ამის შესახებ მამუკა ხაზარაძის, ბადრი ჯაფარიძისა და ავთანდილ წერეთლის საქმის პროკურორმა დღევანდელ პროცესზე განაცხადა. მან მოსამართლეს მიმართა, რომ წერეთელი 19-დან 30 იანვრის ჩათვლით ქვეყნის დატოვებას აპირებდა და სთხოვა, დაგეგმილი პროცესები გადაეტანათ, რაზეც ხაზარაძე-ჯაფარიძის ადვოკატმა, ზვიად კორძაძემ თქვა, რომ მას სხვა დღეებში სხვა პროცესები აქვს დანიშნული. მოსამართლემ ბრალდებისა და დაცვის მხარეს უთხრა, რომ ამ საკითხს ხვალინდელ სხდომაზე დაუბრუნდებიან.

ხაზარაძემ კარგად იცის, რომ თუ ოკუპაციის თემა დადგა და ეს ტრაგედია რომელიმე ქვეყანას შეექმნა, იქ ტანკის მოასფალტებულ გზაზე სიარულის საკითხი დღის წესრიგში არ დგას,- ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებს განუცხადა, რითაც გამოეხმაურა პარტია "ლელოს" დამფუძნებლის, მამუკა ხაზარაძის განცხადებას.

მავთულხლართების გაჭიმვა და პროვოკაციები, რომელსაც ვხედავთ ყოველდღიურ რეჟიმში, არის წინააღმდეგობაში საერთაშორისო სამართალთან, საქართველოს კანონმდებლობასთან და თანამედროვეობასთან, ამიტომ, რუსეთის ფედერაციას აუცილებლად მოუწევს უარი თქვას ოკუპაციაზე და შეასრულოს ის ვალდებულება, რაც აქვს აღებული, - ამის შესახებ საქართველოს პარლამენტის თავმდჯაომრემ არჩილ თალაკვაძემ ჟურნალისტებთან საუბრისას განაცხადა, როდესაც ჩორჩანას მიმდებარედ, ცენტრალური ხელისუფლების მიერ კონტროლირებად ტერიტორიაზე საოკუპაციო ძალების მიერ უკანონო ინსტალაციების აღმართვას გამოეხმაურა.

ჩორჩანას მიმდებარედ, ცენტრალური ხელისუფლების მიერ კონტროლირებად ტერიტორიაზე საოკუპაციო ძალებმა უკანონო ინსტალაციები აღმართეს, - ამის შესახებ „ინტერპრესნიუსს“ სახელმწიფო უსაფრთხოების სამსახურში განუცხადეს.

ირანი დასჯის ყველა პირს, რომელიც უკრაინული სამგზავრო თვითმფრინავის შეცდომის ჩამოგდებაზეა პასუხისმგებელი, - ამის შესახებ ირანის პრეზიდენტმა, ჰასან როუჰანიმ სატელევიზიო მიმართვის დროს განაცხადა. მისი თქმით, ეს „ტრაგიკული მოვლენა“ ძირფესვიანად უნდა იყოს გამოძიებული.

ირანში უკრაინული თვითმფრინავის ჩამოვარდნაში ბრალდებული რამდენიმე პირი დააკავეს. ამის შესახებ "როიტერი" ირანის სასამართლო ხელისუფლების წარმომადგენლის გოლამჰოსეინ ისმაილის განცხადებაზე დაყრდნობით იტყობინება.

საქართველო 14 იანვარს სახელმწიფო დროშის დღეს აღნიშნავს.

ჩვენ ვიმყოფებით ბიძინა ივანიშვილის დადგმულ შოუზე სასამართლოში, - ამის შესახებ სასამართლო პროცესის დაწყებამდე პოლიტიკური გაერთიანება „ლელოს“ დამფუძნებელმა მამუკა ხაზარაძემ განაცხადა, სადაც მან ასევე ანაკლიის ღრმაწყლოვანი პორტისა და ქვეშეთი-კობის საგზაო პროექტი შეადარა ერთმანეთს.

ოკუპირებული აფხაზეთის გადამდგარი ე.წ. პრეზიდენტი რაულ ხაჯიმბა აცხადებს, რომ „პრეზიდენტის“ პოსტიდან გადადგომის შესახებ გადაწყვეტილება თავად მიიღო და მასზე „ზეწოლა არავის მოუხდენია“.