საქართველოს მესამე პრეზიდენტის მიხეილ სააკაშვილის ადვოკატი, შალვა ხაჭაპურიძე სასამართლოში მოწმის სახით, იუსტიციის მინისტრის რატი ბრეგაძის დაკითხვას მოითხოვს.

როდესაც ქვეყნის მოსახლეობის 60%-ზე მეტი ამბობს, რომ არც ერთ პარტიას არ ენდობა, ეს იმას ნიშნავს, რომ ხალხის მხრიდან ალტერნატივაზე მოთხოვნა კი არ არის, ხმამაღალი ყვირილია , - ამის შესახებ „კონსერვატიული პარტიის“ ლიდერმა, ზვიად ძიძიგურმა „პალიტრანიუსის“ გადაცემა “რეზიუმეში“ განაცხადა, რითაც NDI-ის კვლევის შედეგები შეაფასა.

საქართველოს პრემიერ-მინისტრმა ირაკლი ღარიბაშვილმა გარემოს დაცვისა და სოფლის მეურნეობის მინისტრ ოთარ შამუგიასთან და მის მოადგილეებთან სამუშაო თათბირი გამართა. ინფორმაციას მთავრობის ადმინისტრაცია ავრცელებს.

საქართველოს თავდაცვის მინისტრი ვიზიტით თურქეთის რესპუბლიკაში იმყოფება. ჯუანშერ ბურჭულაძე მრავალეროვნული სწავლების „ზამთარი 2023“ საპატიო სტუმართა დღეს დაესწრო. საპატიო სტუმრებს თურქეთის ეროვნული თავდაცვის მინისტრმა ჰულუსი აკარმა ყარსში უმასპინძლა.

უკრაინის საგარეო საქმეთა სამინისტრო პროტესტს გამოხატავს უკრაინის მოქალაქის მიხეილ სააკაშვილის მიმართ არაჰუმანური მოპყრობის გამო. უკრაინული მედიის ცნობით, ამის შესახებ უკრაინის საგარეო უწყების განცხადებაშია ნათქვამი.

საქართველოს ხელისუფლების პასუხისმგებლობაა, მიიღოს ყველა აუცილებელი ზომა, რათა დაიცვას სააკაშვილის ჯანმრთელობა, - ამის შესახებ ევროკომისარმა ბიუჯეტისა და ადმინისტრაციის საკითხებში იოჰანეს ჰანმა ევროპარლამენტში მიხეილ სააკაშვილის ჯანმრთელობის მდგომარეობასთან დაკავშირებით გამართულ დებატებზე განაცხადა.

საქართველოს თავდაცვის მინისტრი თურქეთში ვიზიტის ფარგლებში აზერბაიჯანი-თურქეთი-საქართველოს სამმხრივი თანამშრომლობის ფორმატში თურქ და აზერბაიჯანელ კოლეგებს ყარსში შეხვდა.

ობიექტურ კრიტერიუმებზე დაყრდნობით, შეუძლებელია საქართველომ არ მიიღოს კანდიდატის სტატუსი, მაგრამ თუ იქნება პოლიტიკური გადაწყვეტილება, ოღონდ ეს პოლიტიკა საქართველოს საწინააღმდეგო იქნება და არ იქნება ობიექტურ კრიტერიუმებზე დაყრდნობილი, ამ შემთხვევაში ბუნებრივია მოლოდინი არსებობს, რომ ვერ მიიღოს - ამის შესახებ „ქართული ოცნების“ აღმასრულებელმა მდივანმა მამუკა მდინარაძემ „ღამის კურიერში“ განაცხადა.

მსოფლიოში არ არის ქვეყანა, სადაც ეკონომიკური წინსვლა საბოლოოდ არ აისახა მოქალაქეზე. ჩვენი ქვეყანა ნელნელა, მაგრამ წინ მიდის და ეს პროგრესი ხელშესახებია, საბოლოო ჯამში ამას ვერაფერი დაანგრევს და შეეწინააღმდეგება - განაცხადა „ღამის კურიერში“ „ქართული ოცნების აღმასრულებელმა მდივანმა მამუკა მდინარაძემ ეკონომიკურ ზრდასთან დაკავშირებით.