5 წუთის განმავლობაში 8 სიმართლე გესროლეთ პირდაპირ ფეხებში. შემეცოდეთ, შუბლში არ გაგარტყით, მაგრამ ფეხებში მოგხვდათ, - ასე მიმართა ფრაქცია "ნაციონალური მოძრაობის" თავმჯდომრემ საპარლამენტო უმრავლესობას.

ბატონო პრემიერო, დღეს დილიდან კიდევ უფრო ახალი ტონი შეარჩიეთ პარლამენტის შეურაცხყოფის? - „თქვენთვის დრო არ მაქვს“, „აქ ნუ გამაცდენთო“ - ვინ წაგახალისათ ამისთვის ძალიან მაინტერესებს? მაინცდამაინც მეუფე იაკობივით უნდა დაგამცირონ და გაგლანძღონ, რომ ცოტა პატივისცემა ისწავლოთ პარლამენტის?, - ასე მიმართა „ევროპული საქართველოს“ ერთ-ერთმა ლიდერმა გიგა ბოკერიამ პარლამენტში პრემიერ-მინისტრს გიორგი გახარიას.

როგორც ჩანს, ზოგიერთ ჩვენს კოლეგას ემოციები ძლევს. დაიღალეთ ეტყობა კოლეგებო და ვეღარ თოკავთ ეგოს, სამწუხაროდ, - ასე მიმართა პრემიერ-მინისტრმა გიორგი გახარიამ პარლამენტში ოპოზიციის წარმომადგენლებს.

თქვენ ვერასოდეს ჩამოირეცხავთ "თვალთხარია გახარიას" სახელს და იმ მისამღერს ვერასოდეს დაავიწყებთ ახალგაზრდებს, რომელიც თქვენ მოგიძღვნეს, - ასე მიმართა „ნაციონალური მოძრაობის“ წევრმა თინა ბოკუჩავამ პარლამენტში საქართველოს პრემიერ-მინისტრს, გიორგი გახარიას.

თურმე, ირაკლი კობახიძეს განუცხადებია, რომან გოცირიძემ 5 წუთში 8 ტყუილი თქვაო. სინამდვილეში საქმე შემდეგნაირად იყო - 8 სიმართლე ვესროლე და რვავე შუბლში მოხვდა,- ამის შესახებ ფრაქცია „ნაციონალური მოძრაობის" თავმჯდომარე რომან გოცირიძემ ჟურნალისტებს განუცხადა, რითაც გამოეხმაურა პარლამენტის ყოფილი თავმჯდომარის ირაკლი კობახიძის განცხადებას, რომლის მიხედვით რომან გოცირიძემ დღეს, პარლამენტში სხდომაზე 5 წუთში 8 ტყუილი თქვა.

რომან გოცირიძის მხრიდან 5 წუთის განმავლობაში ისმებოდა კითხვები და ამ 5 წუთში 8 ტყუილის თქმა მოასწრო, - ამის შესახებ საპარლამენტო უმრავლესობის წევრმა, პარლამენტის ყოფილმა თავმჯდომარემ ირაკლი კობახიძემ ჟურნალისტებს განუცხადა, რითაც გამოეხმაურა "ნაციონალური მოძრაობის" მიერ ინტერპელაციის წესით პრემიერ-მინისტრისთვის დასმულ შეკითხვებს.

თქვენ ის კი არ გაინტერესებთ, რა უნდა გავაკეთოთ, რომ აღარ იყოს პენსიონერების, ბავშვების სიღარიბე, რომელიც მართლა არის, თქვენ ის გაინტერესებთ, კვირიკაშვილი რატომ მოხსნეს - წარსულში ცხოვრობთ და დარჩებით იქ, - ასე მიმართა პრემიერ-მინისტრმა გიორგი გახარიამ ფრაქცია "ნაციონალური მოძრაობის" თავმჯდომარე რომან გოცირიძეს, რომელმაც პარლამენტში ინტერპელაციის წესით მისულ მთავრობის მეთაურს რამდენიმე კითხვა დაუსვა.

ვთვლი, რომ ეს ქვეყანა ცოტა უკეთეს და უფრო კომპეტენტურ ოპოზიციას იმსახურებს, - ამის შესახებ პრემიერ-მინისტრმა გიორგი გახარიამ პარლამენტში სიტყვით გამოსვლისას განაცხადა. გახარიას განმარტებით, ოპოზიციას კომპეტენცია არ ჰყოფნის და ისინი პოლიტიკური ქულებისა და დივიდენტების აკრეფას ცდილობენ.

2012 წელს საქართველოში სიღარიბე დაფიქსირებული იყო 30%-ზე მეტი, დღეს სიღარიბე არის 19.5%. მსოფლიო ბანკის მონაცამებით უკიდურესი სიღარიბე საქართველოში შემცირდა ორჯერ, - ამის შესახებ საქართველოს პრემიერ-მინისტრმა გიორგი გახარიამ პარლამენტში განაცხადა. როგორც გახარიამ აღნიშნა, 17 წლამდე ბავშვების სიღარიბე 34.7%-დან 25.5%-მდეა შემცირებული.