გიორგი მიქაუტაძე „ლიონის“ ფანებს სპეციალური ვიდეორგოლით დაემშვიდობა და მათ მიმართა.

ქართველი ფეხბურთელი იმედოვნებს, რომ მომავალში „ლიონში“ დაბრუნებას მოახერხებს.

„მინდოდა თქვენთან, ლიონის გულშემატკივრებთან საუბარი. როგორც იცით, კლუბს ვტოვებ. ​​ჩემი ბავშვობის ოცნება იყო, როცა პატარა ვიყავი, ლიონში პროფესიონალი ფეხბურთელი გავმხდარიყავი. ეს შესაძლებლობა გასულ წელს, ზაფხულში მქონდა და როცა შანსი მომეცა, ხელიდან არ გავუშვი. ეს ქალაქი ჩემთვის ყველაფერს ნიშნავს: ეს არის ადგილი, სადაც გავიზარდე, სადაც ჩემი ოჯახი და მეგობრები მყავს.

წასვლა ადვილი არ არის, მაგრამ ვიცით, რომ კლუბი პირველ ადგილზეა. ამიტომ, მინდა მადლობა გადავუხადო ყველას, ვისთანაც ლიონში ყოფნის დროს მიმუშავია: ფეხბურთელებს, ძველ პერსონალს, ახალ პერსონალს, რა თქმა უნდა, კულისებში მომუშავე ადამიანებს, ფიზიოთერაპევტებს. ნამდვილად არ მინდა ვინმე გამომრჩეს.

იმედი მაქვს, რომ ერთ დღეს დავბრუნდები, რათა ჩემი ნამდვილი ისტორია ლიონთან ერთად დავწერო. ლიონში გატარებული დროიდან თქვენი სიყვარული ყველაზე მეტად მახსოვს“, - აცხადებს ქართველი ფეხბურთელი.